Isimemo Esiqakathekileyo

1. Umkhankaso wokunxusa abantu emhlanganweni ka2014 uzaqalisa nini?

¹ Asithi ucabanga ukuphekela abangane lezihlobo ukudla okumnandi, okudinga ukuthi usebenze nzima njalo ukulungiselele kuhle, sile qiniso lokuthi uyabanxusa uthabile sibili. Ngendlela efananayo, kulomsebenzi owenziwayo wokulungiselela umhlangano ozaba ngo-2014. Nxa sekusele amaviki amathathu ukuthi singene umhlangano, sizaba lesibusiso sokuyanxusa abanye abantu ukuthi bazongena lathi. Kuyini okuzasinceda ukuthi sikhulume ngomndlandla nxa sinxusa abantu?

2. Kuyini okuzasenza sisebenze nzima emkhankasweni?

² Ukucabangisisa ngedili esililungiselelwa nguJehova kuzasenza sisebenze nzima emkhankasweni wokunxusa abantu. (Isaya. 65:​13, 14) Kumele sikhumbule njalo ukuthi umkhankaso lo esiwenza kanye ngomnyaka uba lempumela emihle. Abanye abantu esibanxusayo bazabuya umhlanganweni. Kodwa kungelani lokuthi bangaki abazabuya, imizamo yethu yokubanxusa izadumisa uJehova futhi itshengise ukuthi ulomusa.​—⁠Hubo. 145:​3, 7; Isam. 22:⁠17.

3. Izimemo zizahanjiswa njani?

³ Iqula labadala ngalinye kumele likhethe ukuthi ibandla lizahambisa njani izimemo endimeni yonke, lokuthi abamemezeli bangatshiya yini izimemo nxa kungela muntu endlini kumbe bangazihambisa lapho betshumayela obala endimeni. Ngempelaviki kumele sihambise izimemo kanye lamamagazini nxa kufanele. Nxa kuyikuthi amalanga omkhankaso ahlanganisa uMgqibelo wokuqala wenyanga, kumele ligxile ekuhambiseni izimemo kulokuqalisa izifundo zeBhayibhili. Nxa umkhankaso usuphelile, sizajabula ngenxa yokuthi sahlanganyela kuwo ngokutshiseka njalo simeme abantu abanengi edilini esililungiselelwe nguJehova.

[Ibhokisi elisekhasini 4]

Uzathini?

Nxa usumbingelele, ungathi: “Silomkhankaso owenziwa emhlabeni wonke wokunxusela abantu embuthanweni oqakathekileyo kakhulu. Amalanga, isikhathi, lekheli kubhaliwe ephepheni leli.”