Ungafundani Ezingomeni Ze-Broadcasting?

Yiziphi izingoma ze-Broadcasting ozithandayo? Uzithandelani? Uyake unanzelele yini ukuthi amavidiyo akhona atshengisa khona kanye esihlangana lakho empilweni? Izingoma lezi zenziwe ngezindlela ezitshiyeneyo, ngeke uyiswele ekuthatha umoya. Loba kunjalo izingoma ze-Broadcasting ayisizo zokuphonguchitha isizungu.

Ingoma ye-Broadcasting ngayinye ilezifundo esingazisebenzisa ekuphileni kwethu lasenkonzweni. Ezinye zikhuluma ngokwamukela izihambi, ukumanyana, ubungane, isibindi, uthando lokholo. Ezinye zikhuluma ngokubuyela kuJehova, ukuthethelela, ukuba qotho nsuku zonke, lokwenza okunengi ekukhonzeni uJehova. Kulalengoma esinceda ukuthi sisebenzise kuhle amafoni. Yiziphi ezinye izifundo ozitholileyo ezingomeni lezi?

BUKELANI IVIDIYO YENGOMA ETHI SEKUSEDUZE, BESELIPHENDULA IMIBUZO ELANDELAYO:

• Yiziphi izibusiso ukhulu logogo abakuvidiyo abacabanga ngazo?​—Gen 12:3

• Kuyini esingakwenza ukuze siqinise ukholo lwethu kulokho esikuthenjiswe nguJehova?

• Yiziphi izibusiso eziseduze esizilindele ngabomvu?

• Ithemba esilalo ngekusasa lisinceda njani ukuthi sibekezelele izinhlupho lamuhla?​—Rom 8:25