IMPILO YAMAKHRISTU
Ngobani Abangane Bakho Kwezempucuko?
Esinye isichazamazwi sithi umngane “ngumuntu onamathela komunye ngenxa yokumthanda kumbe ukumqakathekisa.” Ngokwesibonelo, uJonathani loDavida baba ngamathe lolimi uDavida esebulele uGoliyathi. (1Sa 18:1) Ngamunye watshengisa ubuntu obenza omunye wafisa ukuba ngumngane wakhe. Yikho ukuze abantu babe lobungane obuqinileyo kumele bazane kuhle. Kujayele ukuthatha isikhathi lamandla ukuze ucine umazi kuhle omunye umuntu. Kodwa kwezokuxhumana abantu baphonguba ngabangane nje. Kulula ukuthi bafihle lokho abayikho khona ngenxa yokuthi balesikhathi sokucabanga ngokuthi bazakuthini njalo bayenelisa ukwenza abanye bacabange ukuthi bangabantu abahle. Yikho kuhle ukucabangisisa ngokuthi ngobani okhetha ukuthi babe ngabangane bakho. Nxa othile ongamazi kuhle ecela ukuthi abe ngumngane wakho kwezokuxhumana, ungesabi ukwala ngoba ungafuni ukumzwisa ubuhlungu. Abanye bakhethe ukungasebenzisi ezokuxhumana ngenxa yengozi ezingaba khona. Kodwa kuyini okumele ukukhumbule nxa ukhetha ukuzisebenzisa?
BUKELANI IVIDIYO ETHI SEBENZISA KUHLE EZEMPUCUKO, BESELIPHENDULA IMIBUZO ELANDELAYO:
Kuyini okumele ucabange ngakho ungakathumeli amapikitsha lokunye kwezokuxhumana?
Kungani kumele ukhethe kuhle abangane kwezokuxhumana?
Kungani kumele unanzelele isikhathi osiqeda kwezokuxhumana?—Efe 5:15, 16