Wat däist duu måke wat dijn kiner nåmåke koine?
TAU DAI PAPA UN MAMA
8 Soo’s spëgel sin
WAT BEDÜÜRT DAT?
Papa un mama wat soo sin as air spëgel, daue måke wat sai inlëre. Duu kast ni luure dat dij kind dai wårhët sägt, wen’s duu selwst säge däist duu büst ni t’huus wen’s duu ni mit aim fortele wilst.
“Man kan ümer hööre dai lüür säge: ‘Måk wat ik sägt. Åwer ni wat ik måk!’ Åwer dat giwt ni richtig mit dai kiner. Dai kiner sin soo as esponja wat sich intreke ales wat wij måke un säge. Wen wij eer air dail inlëre un daue anerd måke, sai daue oos dat säge.” - David.
WAT SÄGT DAI BIJBEL? “Duu, wat preege däist: ‘Dau ni steele’, steelst?” (Romanos 2:21)
WOWEEGEN HÄT DAT FEELE WËRD?
Dai kiner un dai juugende daue düler dai papa un mama nåmåke as dai andrer schaulekiner. Dårweegen jij papa un mama sin dai beste lüür taum juuch kiner inlëre måke wat richtig is. Åwer jij muite måke wat jij inlëre.
“Man kan feelmål dai neemlige daile säge tau oos kiner ån waite of sai oos hööre daue. Åwer wen’s duu ais ni mökst wat’s duu inlërst, sai daue dat glijk forståe. Dai kiner daue uppasse nå ales wat wij måke, sogår wen wij denke daue sai daue ni nå oos uppasse.” - Nicole.
WAT SÄGT DAI BIJBEL? “Dai klaukhët fon båwen is . . . åne falschhët.” (Tiago 3:17)
WAT KAST DUU MÅKE?
Dau andenke wat dij leewend lenke däit. Wat däist duu gërn ine televison kijke? Wosoo däist duu dijn familg behandle? Mit wat fon lüür häst duu ümgang? Däist duu dij bekümre mit dai andrer? Taulätst, dau dij fråge: Bün ik dai mësch wat ik luur mij kind schal sin?
“Ik un mij kërl daue ni oos kiner andrijwe taum daile måken wat wij ni måke daue.” - Christine.
Wen’s duu wat forkërd mökst, forlang forgeewen. Dijn kiner waite dat’s duu uk wat forkërd mökst. Wen’s duu forgeewen forlange däist tau dijn familg wen dat nöörg is, sai daue dijn gewöönligkët un reäligkët nåmåke.
“Oos kiner muite oos hööre wen wij wat forkërd måkt häwe forgeewen forlange. Wen wij dat ni måke, sai koine eer forkërde daile forsteeke.” - Robin.
“Wij wat papa un mama sin, oos kiner daue oos düler nåmåke as irgends aine ande mësche un dat wat wij måke däit oosem kiner sër angrijpe weegen sai daue nå oos uppasse al tijd oiwer. Soo as wij leewe is soo as air bauk wat ümer up is un air lëren wat wij ümer inlëre daue.” - Wendell.