Tau feel urer gårnischt drinke: Wat is richtig?

ANTÔNIO, wat nent is in dem airst artikel, har küüt air gans aners leewend häwe wen hai sij problem mit dai gedränk forståe har. Åwer dat hai feel drinke küün, ån dat saien wäir dat hai al tau feel drunke har, däir hai denke dat dai gedränk em ni oiwerhand neeme däir. Woweegen har müst hai sich ni upforlåte up sijn aigen gedanke?

Dat hai tau feel drinke däir, Antonio küün ni onglig denke. Kan sin Antônio däir dat waite urer ni, åwer tau feel drinke, hät em sijne breege schårt, uk wat hai måke däir, woo hai denke däir un woo hai sich befijne däir. Ji mër as Antônio drinke däir, wënige küün sijn breege forståe wat passijre däir.

Anerd dail wat Antônio sijn gedanke schåre däir, wäir dat groot lust wat hai har taum drinken blijwe. Carlos, wat wij al fortelt häwe in dere andrer artikels, däir ni im anfang anneeme dat dai drinken em schåre däir. Hai hät sägt: “Ik däir forsteeke dat ik feel drinke däir. Ik gaiw anerd daile schuld dåroiwer un däir ni anneeme dat dat mij schåre küün. Ik har air dail im wile: Ümer drinke!” Lijkerst dat andrer lüür saie däire dat dai drinken, Antônio un Carlos schåre däir, sai däire sich alaine säge dat nischt forkërd wäir. Åwer, sai bëd müste wat måke taum anhule mitm drinken. Åwer, wat müste sai måke?

Dau wat måke!

Feel wat anhule häwe drinke, häwe måkt soo as Jësus sägt hät: “Wen dij rechten oog dij forhåke däit, rijt dat ruuter un smijt wijd weg fon dij. Weegen is beeter ån air stük blijwe as dat dij gans körper ine Geena smeete wart.” (Mateus 5:29)

Jësus wul ni säge dat air sich alaine snijre schul. In der stel, hai wul säge dat wij afsnijre muite for oosem leewend al daile wat oose gloobe schåre däit. Gewiss, dat wat wij måke muite, kan ni licht sin. Åwer, däit oos behüüte fon al daile wat oos henneeme koine tau feel drinke. Den, wen andrer säge dat’s duu tau feel drinke däist, dau wat måke dat’s duu dårmit anhülst.a Wen’s duu anfänge däist drinke un ni dij hule krijgst, dau nischt drinke. Dat kan sër slime sin, åwer dat is beeter as air slecht leewend häwe.

Lijkerst wen’s duu kair besåpen mësch büst, büst duu gewoont tau feel drinke? Wen dat soo is, wat kast duu måke dat dai gedränk ni dijn leewend schåre däit?

Woo kast duu hülp fijne?

1. Dau glööwe dat ümer uutm härts beere dij groot kraft geewe kan. Dai Bijbel giwt dës formånen tau ale wat Jehovaa God gefale wile: “In ales, doir beeren un biren, t’hoop mit danken, måkt tau God bekand ales wat jij wile; un dai freere fon God, wat oiwer al forståen is, wart juuch härts un gedanke forwåre doir Jësus Kristus.” (Filipenses 4:6 un 7) Wat must duu säge wen’s duu beere däist taum dës freere krijge?

Dau anneeme dat’s duu ain problem mitm gedränk häst un dat’s duu dat int raich bringe must. Wen’s duu tau God säge däist wat’s duu måke wilst, dat mökt dat hai seegne däit ales wat’s duu mökst. “Dat gäit ni gaud mit wem sijne süün bedekt. Åwer dai wat dat sägt un dat trööglöt wart mit barmhärtsigkët behanelt.” (Provérbios 28:13) Jësus hät uk sägt woo wij beere muite: “Dau oos ni in dat forsuiken måke, åwer, dau oos fraimåke fon dem Düüwel.” (Mateus 6:13) Åwer, wosoo kast duu nå dijn beeren leewe un woo kast duu antwooren fijne taum dijn biren?

2. Krijg kraft doir God sij Woord. “God sij woord is leewig un hät kraft . . . un krijgt forståe dai gedanke un wat upm härts is.” (Hebreus 4:12) Wek sprüüch fone Bijbel jërer dag leese un dåroiwer grüüwle, hät feel lüür hulpe, wat tau feel drinke däire. Air fon dere wat dai Salmos sreewe hät, hät soo sreewe: “Fröölig is dai mësch wat ni gåe däit nå der slechte eer formånen, åwer dem sijn lust is in Jehovaa sijn lei, un däit sijn lei lijs leese dag un nacht . . . Ales wat dai mökt wart em gaud gåe.” (Salmo 1:1 bet 3)

Carlos, hät kraft kreege taum sijn problem mitm gedränk oiwerståe, weegen hai hät dai Bijbel studijrt mit Jehovaas Tüügen. Hai hät sägt: “Ik bün mij sicher wen dat ni wäir weegen dai Bijbel un dai belërungs fone Bijbel, wat mij hulpe häwe anhule drinke, wäir ik dood.”

3. Dau lëre dij selwst hule krijge. Dai Bijbel sägt dat wek fon dai airste kristlig gemaind, wat besåpen wäire, sin wusche woore “mit oos God sijne gaist”. (1 Coríntios 6:9 bet 11) Wosoo? Air dail wat eer hulpe hät anhule besåpe ware un nam groote feste hengåe, is dat sai lërt häwe sich selwst hule krijge, air gaur moor wat dai hailig gaist fon God oos helpe däit krijge. “Daut ni mit wijn besåpe ware, weegen soo krijgt dai mësch ni sich hule, åwer blijwt ful hailig gaist.” (Efésios 5:18 un Gálatas 5:21 bet 23) Jësus Kristus hät forspråke dat ‘dai Fåter, im himel, hailig gaist geewe däir taum dai wat dat forlange däire’. Dårweegen, “daut bijblijwe bijm forlange, un wart juuch geewt”. (Lucas 11:9 un 13)

Dai wat Jehovaa anbeere wile soo as hai anneeme däit, koine sich selwst hule krijge for dai Bijbel leese un studijre un for ümer uutm härts beere. Taum ni åne lust blijwe, dau anneeme dat wat God oos forspreeke däit in em sij Woord: “Dai wat strööge däit nåm gaist ernt fom gaist leewend up ümer. Soo, dat wij ni nålåte måke wat gaud is, weegen wij daue ernte in dai richtig tijd, wen wij ni forsåge daue.” (Gálatas 6:8 un 9)

4. Dau gaure ümgang häwe. “Wee t’hoop mit dai klauke gäit, wart klauk. Åwer wee t’hoop mit dai dume gäit, gäit dat slecht.” (Provérbios 13:20) Säg tau dai woo mit duu ümgang häst dat’s duu uutsöcht häst ni tau feel drinke. Åwer God sij woord däit wijse dat wen’s duu hijnerlåte wilst ‘besåpen sin, fest fijren wat oiwerhand neeme un drinkerig’, wek woo mit duu ümgang häst ‘daue dat ni forståe un daue slecht oiwer dij rere’. (1 Pedro 4:3 un 4) Wen dat soo is, dau ni mër ümgang häwe mit dës lüür.

5. Dau dij uutdenke woo feel duu drinke kast. “Hult an denke soo as dës wild, åwer wart aners doir juuch gedanke aners måke, taum tau juuch selwst wijse dat God sij wile gefült, is gaud un åne fëgel.” (Romanos 12:2) Ståts låte dat “dës wild” dij säge däit wofeel duu drinke kast, låt God sij Woord dij helpe dårmit un den däit dij leewend God gefale. Åwer wosoo kast duu uutsuike wofeel duu drinke kast un nog soo God gefale?

Irgends ain gedränk wat dij forstööre däit onglig denke is tau feel tau dij. Den, wen’s duu drinke wilst, airer as duu dat måke däist, dau uutsuike wofeel duu drinke kast taum ni besåpe ware. Lijkerst wen’s duu maine däist, dat’s duu kain problem häst mitm gedränk, dau dij selwst genau nåsaie taum waite wofeel duu drinke däist. Dau uutsuike wofeel gedränk dij ni schåre däit. Is beeter wënige drinke as tau feel un besåpe ware.

6. Dau lëre “në” säge. “Låt dat juuch woord “jå”, jå bedüüre däit un juuch “në”, në.” (Mateus 5:37) Wen air dij gedränk anbaire däit, dau lëre dat mit gaurigkët afsäge. “Dat juuch wöör ümer fründlig sin, insuldert mit suld, soo dat jij ümer waite wosoo jërer mësche antwoore.” (Colossenses 4:6)

7. Dau hülp forlange. Dau hülp forlange tau dai wat Jehovaa lijbe un dij koråsch geewe daue, dat’s duu dij hule krijge däist taum ni tau feel drinke un stark im gloobe sin. “Beeter twai as air. Weegen sai häwe gaur beloonen for sijne swår arbëd. Weegen wen air fale däit, dai anerd kan em upståe helpe.” (Eclesiastes 4:9, 10 un Tiago 5:14, 16) Dai Instituto Nacional de Combate ao Abuso do Álcool e ao Alcoolismo dos Estados Unidos hät uk soo wat sägt: “Öftens kan slim sin wënige drinke. Dau hülp forlange taum dijn familg un dai woo mit duu ümgang t’hoop häst, dat dai dij helpe daue ni nålåte.”

8. Måk soo as duu al uutsöcht häst. “Daut God sij Woord någåe, ni bloosig hööre, sich alaine bedraige mit forkërd gedanke. Dai wat dai lei åne fëgel gaud uunersöcht wat tauhöört tau dai fraihët, un bliwt t’hoop mit eer, is air woore wat ni licht forgeete däit, åwer mökt der arbëd; wart fröölig in dat wat dai mökt.” (Tiago 1:22 un 25)

Hul dij tröög fon dem drinken

Ni jërer dai wat tau feel drinke däit wart air besåpen mësch. Åwer wek daue sofeel drinke urer daue dat sofeel måls måke, dat sai sich dat anwene daue. Sich dårmit anwene mökt dat dai drinkerig air mësch oiwerhand nimt un kan sin, taum soo’ne mësch, bloos im wile häwe ni tau feel drinke un dai Bijbel sij hülp, koine ni naug sin taum dai mithelpe. Carlos hät sich nådacht: “As ik anhule wul ane drinken, ik häw groot waidåg im körper hat. Dun, häw ik forståe dat ik ni bloos dai hülp fone Bijbel bruuke däir, ik müst uk dai hülp fone dokters häwe”.

Feel lüür wat tau feel drinke daue, bruuke dai dokter sijne hülp taum anhule drinke un ni werer drinke, den sai koine foirwärtsgåe im gloobe.b Wek muite sogår ine hospital blijwe taum hülp krijge wen dai mësch sër slecht an is, dat dai al lang ni mër drunke hät urer taum melicin krijge wat dai mësch mithelpe däit, dat dai wünsch taum drinken wënige wart un uk taum ni mër sofeel drinke. God sij Kind, wat bewunrige daile måke däir, hät sägt: “Dai wat gesund sin bruuke kaine dokter, åwer dai wat krank sin, jå!” (Marcos 2:17)

God sijn belërungs sin ümer dat best tau oos

Dai klauk belërungs fone Bijbel oiwer dat drinkerig kümt fon dem wår God, wat dat best tau oos wil, ni bloos hüütensendågs, åwer up ümer. Nåheer as Carlos 24 jår anhule har ane drinken, hai wat bijnå hüüle däir, hät soo sägt: “Is sër gaud wääst waite dat ik aners ware küün un lëre dat Jehovaa mij helpe wul air gaur leewend häwe. Waite dat Jehovaa mij forståe däit, sich bekümre däit mit mij un dat hai mij helpe däit, dat is sër wat schöönes.”

Den, wen’s duu tau feel drinke däist urer wen’s duu dij anwent häst ane drinken, dau ni glijk nålåte un dau ni denke dat dat kain hofnung giwt. Carlos un feel andrer häwe dat uk doirset. Sai häwe wënige drunke kreege urer sogår gans un går anhule kreege. Dat hät eer ni lëd dår un dat däit dij uk ni lëd.

Dat hät nischt sägen wen’s duu uutsuike däist wënig drinke urer gårnischt, horg wat God dij sägt: “Woo gaud wäir wen’s duu mijn geboote horge däirst! Den, dijn freere ware däir soo as air fluus, un dijn gerechtigkët soo as dai wele fone meer.” (Isaías 48:18)

[Nåt]

[Tåfel/Bijler]

Däit dij dat drinkerig oiwerhand neeme?

Wäir gaud dat’s duu dij fråge däirst:

• Dau ik nuu mër drinke as airste?

• Dau ik öfte drinke as airste?

• Dat wat ik nuu drinke dau, hät dat mër spirtus?

• Dau ik drinke taum mij ruig befijne urer taum mij ni kopbreeken måke mitm problems?

• Hät air mij al sägt dat sich kopbreeken måke däir mit wofeel as ik drinke dau?

• Hät dat gedränk mij al kopbreeken måkt in mijn huus, up mijn arbëd urer as ik rëse däir?

• Is slim mij hule krijge air week lang ån gedränk?

• Dau ik mij slecht befijne wen dai andrer ni drinke?

• Dau ik for dai andrer forsteeke wofeel ik drinke dau?

Wen’s duu, jå, antwoord häst taum ain for dës frågen urer mër, kan sin dat’s duu wat måke must taum sich hule krijge un ni tau feel gedränk drinke.

[Tåfel/Bijler]

Gaure uutsuiken måke oiwer dat gedränk

Airer dat’s duu wat drinke däist, denk hijr an:

• Is wol gaud dat ik drinke dau urer dör ik gårnischt drinke?

Formånen tau dij: Wee sich ni hule krijgt mit dat drinken, dört gårnischt drinke.

• Wofeel kan ik drinke?

Formånen tau dij: Airer dat’s duu wat drinke däist, dau uutsuike wofeel duu drinke kast.

• Wonair kan ik drinke?

Formånen tau dij: Dau ni drinke airer as duu fuire däist urer wen’s duu wat måke must woo nischt dij forstööre kan. Dau ni drinke airer as duu wat tau God måke däist. Dau ni drinke wen’s duu aine kind luure däist urer wen’s duu wek sort melicin inneeme däist.

• Woo kan ik drinke?

Formånen tau dij: Gåe ni hen woo dai lüür tau feel drinke daue. Måk dat ni im haimlig taum forsteeke wofeel as duu drinke däist urer ni foir dai lüür wat dat gedränk ni mage daue.

• Mit wem kan ik drinke?

Formånen tau dij: Mit lüür wat dij lijbe daue, soo as dijn familg, wat dij koråsch geewe daue dat’s duu ni tau feel drinke däist. Ni mit dai wat ni sich hule krijge mitm gedränk.

[Tåfel/Bijler]

God sij Woord hät air hulpe wat tau feel drinke däir

Air kërl fon Tailândia, wat Supot hit, däir tau feel drinke. Im anfang, däir hai bloos åwends drinke. Im langsåm, hät hai anfånge drinke morgens un denåste uk mirdags. Oft däir hai drinke bloos taum besåpe ware. Åwer dun hät hai anfånge dai Bijbel lëre mit Jehovaas Tüügen. As hai lërt hät dat drinke bet besåpe ware, ni Jehovaa God gefale däit, hät Supot anhule drinke. Åwer nå ain tijd lang, hät hai werer anfånge tau feel drinke un dat hät em sijn familg sër traurig låte.

Åwer, Supot däir nog Jehovaa lijbe un wul em upm richtig årt anbeere. Dai woo mit hai ümgang har, häwe em wijrer hulpe un em sij familg lust geewt länge mit em blijwe dat sai uk em wijrer helpe däire. Dun, dat wat in 1 Coríntios 6:10 stäit, dat “dai wat besåpent ware, ni God sijne Regirung ärbe” daue, hät Supot hulpe saie woo slim dat wäir. Hai hät forståe dat ales måke müst, wat nöög wäir, taum anhule tau feel drinke.

Nuu, har Supot sich uutsöcht gans un går anhule drinke. Dun, mit dai kraft fon God sij hailig gaist, mit dai belërungs fone Bijbel un mit dai hülp fon dai familg un dai gemaind, hät Supot dai kraft kreege wat nöög wäir taum anhule mitm drinkerig. Em sij familg is sër fröölig bleewe as hai sich tauwe låte hät taum wijse dat hai sich tau God anbåre har. Nuu hät Supot air dail wat hai ümer häwe wul, ain stark ümgang mit God un däit sijne tijd benutse taum andrer helpe stark im gloobe sin.