Woweegen löt God dat sofeel nood passijre?

DÄIT GOD SICH BEKÜMRE MIT OOSE NOOD?

Michele: Morgen, Sofij!

Sofij: Morgen, Michele.

Michele: Woo gaud dat ik dij t’huus fuune häw. Lätst mål as ik hijr wääst bün,, wij häwe fortelt oiwer of God sich bekümre däit mit oose nood. Duu häst sägt duu däirst dij feel måls dåroiwer fråge, uphaupt nå dat air unglük mit dijn mama passijrt is. Un woo gäit nuu mit eer?

Sofij: Sin dåg sai is beeter, anerd dåg is slechter, åwer hüüt is sai gaud an.

Michele: Mij däit frööge waite dat eer gaud an is. Soo wat doirsete is wirklig ni licht.

Sofij: Gans sicher. Ik dau andenke wolang as sai nog nood doirsete mut.

Michele: Feel lüür daue sich soo forneeme. Ik kan mij denke lätst mål as wij fortelt häwe, ik däir dij wijse ine Bijbel woweegen däit God låte dat dai nood passijre däit, nog dat hai dårtau kraft hät taum dat almåken.

Sofij: Jå, ik kan mij denke.

Michele: Åwer airst, wiman’s nådenke wek daile wat wij fortelt häwe.

Sofij: Jå, is gaud.

Michele: Dat airst mål, häwe wij fortelt oiwer air reäl kërl wat frågt hät woweegen God löt dai nood passijre. Nog soo, God hät ni slecht fuune dat dai mësch dit frågt hät un hät uk ni sägt dat hai müst mër gloobe häwe.

Sofij: Jå, åwer ik wüst dat ni.

Michele: Wij häwe uk saie dat Jehovaa God kan ni lijre dat wij nood doirsete. Dai Bijbel sägt as sij folk swårhët doirset hät, God is uk unruig bleewe.a Mainst duu dat däit dij trööste waite dat God sich bekümre däit mit dai nood wat wij doirsete daue?

Sofij: Jå, gans sicher.

Michele: Un wij häwe uk fortelt dat hai kan oos nood almåke wonair as hai wil.

Sofij: Dit is air dail wat ik ni forstå. Woweegen löt God dat slechte daile passijre daue wen hai doch kraft hät taum dat almåken?

WEE HÄT DAI WÅRHËT SÄGT?

Michele: Taum dit anfänge forståe, wiman’s saie wat dat airst bauk fone Bijbel, Gênesis, säge däit. Kenst duu dai geschicht oiwer Adam un Eva un dai fruchtboom fon woo sai ni eete dürste?

Sofij: Jå, ik ken. Ik häw dåroiwer lërt ine kirch. God hät eer sägt taum ni fon air fruchtboom eete un nog soo häwe sai geete.

Michele: Grår dat. Nuu wiman’s saie woweegen Adam un Eva ni God horgt häwe. Dit däit oos helpe forståe woweegen wij nood doirsete daue. Kast duu Gênesis kapitel 3, sprüüch 1 bet 5 leese?

Sofij: Gewiss. “Dai slang wäir dat slaust tijr fon ale dai wijltijre, wat Jehovaa God måkt har. Soo, hät dai tau dai fruug sägt: ‘Is wirklig soo dat God sägt hät, dat jij döre ni fon jërer fruchtboom im Eden gåre eete?’ Dun hät dai fruug tau dai slang sägt: ‘Wij koine fon der fruchtbööm in dem Gåre eete. Åwer, oiwer der fruchtboom wat mir im gåre stäit, hät God sägt: “Daut dårfon ni eete, në, stöt dår ni raner; süste blijwe jij dood.”’ Dun hät dai slang tau dai fruug sägt: ‘Gewisslig jij blijwe ni dood. Weegen God wät dat, der neemlige dag wen jij fon dem eete, juuch oogen gåe up un jij ware soo as God, den daue jij waite wat gaud is un wat slecht is.’”

Michele: Dankeschöön. Nuu wiman’s bits denke oiwer dës sprüüch. Airst wij häwe saie dat dai slang mit Eva fortelt hät. Andrer sprüüch fone Bijbel wijse dat wäir Satan, dai Düüwel, dat doir dës slang fortele däir. b Satan hät Eva frågt oiwer dat wat God sägt har oiwer aine fruchtboom. Häst duu saie wat God sägt hät dat passijre däir mit eer wen sai fon dës fruchtboom eete däire?

Sofij: Sai däire doodblijwe.

Michele: Grår dat. Nåheer hät Satan God updrükt. Sai man’s wat hai sägt hät: “Gewisslig jij blijwe ni dood.” Satan däir säge dat God laige däir!

Sofij: Hum, dit däir ik ni waite.

Michele: Un dat Satan God soo updrükt hät, dat däir ain tijdlang duure taum dat int raich bringe. Däist duu waite woweegen?

Sofij: Hum, ik main ni.

Michele: Den dat’s duu dat forståe kast, dau andenke dat ik dij soo säge dau: ‘Ik bün stärker as duu.’ Wat däirst duu måke taum wijse dat ik forkërd bün?

Sofij: Ik wait ni. Kan sin dat ik dij säge däir taum air dail dråge wat sër swår is taum saien wen’s duu wirklig stärker büst.

Michele: Jå, grår dat. Den, wen wij soo wat måke däire, küüne wij gans ainfach ruuterfijne wee stärker is, is ni wår?

Sofij: Ik häw forståe.

Michele: Åwer, wen ik dij updrüke däir soo as wen’s duu ni reäl büst, den wäir dat gans aners,mainst duu ni?

Sofij: Jå, ik main jå.

Michele: Weegen taum wijse dat’s duu reäl büst urer ni is ni soo ainfach as wijse wen’s duu stark büst urer ni.

Sofij: Dat is wår.

Michele: Jå, taum wirklig wijse of’s duu reäl büst urer ni, must dai tijd forgåe låte taum andrer dat saie.

Sofij: Dat stimt.

Michele: Åwer nuu, sai man’s werer wat hijr in Gênesis sägt. Hät Satan sägt dat hai stärker wäir as God?

Sofij: Në.

Michele: God har küüt glijk em wijse dat hai forkërd wäir. Åwer Satan hät sägt dat God ni reäl wäir. Wäir soo as hai tau Eva soo sägt har: ‘God däit laige åwer ik dau dij dai wårhët säge’.

Sofij: Åwer lüür!

Michele: Dårweegen God, mit sijn gans klaukhët, hät saie dat dai best moor taum wijse dat Satan forkërd wäir, hai müst dai tijd forbij gåe låte. Dai tijd däir wijse wee dai wårhët sägt hät un wee loigen fortelt hät.

DAI HAUPTSACH DAIL

Sofij: Åwer, as Eva doodbleewe is, hät dat ni weese dat God dai wårhët säge däir?

Michele: In wek daile, jå. Åwer ni gans un går weegen sin nog andrer daile wat Satan God updrükt hät taum int raich bröcht ware. Sai werer dai spruch 5. Häst duu saie wat nog mër Satan tau Eva sägt hät?

Sofij: Hai hät sägt, wen sai fon dai fruchtboom eete däir, däire eer oogen upgåe.

Michele: Jå, un dat sai ware däir soo as God, däir ‘waite wat gaud is un wat slecht is’. Soo, Satan däir säge dat God air gaur dail forsteeke däir fon dai lüür.

Sofij: Häw forståe.

Michele: Un dit wäir uk ni air ainfach dail taum rasch int raich bringe.

Sofij: Wosoo?

Michele: Satan wul säge dat Eva, un dai ganse lüür, beeter blijwe däire ån God. Jehovaa is uk klauk wääst taum sich drëge dårmit. Hai hät låte dat Satan up ain tijdlang regijre däir taum wijse of hai richtig wäir. Un dårweegen daue wij sofeel nood doirsete. Is Satan wat dai wild regijre däit, ni God.c Åwer ik wil dij wat gaures säge.

Sofij: Wat?

Michele: Dai Bijbel däit oos twai bewunrig wårhëte inlëre oiwer God. Dat airst is dat Jehovaa oos helpe däit wen wij nood doirsete. Sai dai wöör fon dai Köönig Davi in Salmo 31:7. Davi hät groot nood ine leewend doirset. Åwer sai man’s wat hai sägt hät as hai tau God beert hät. Kast duu dës spruch leese?

Sofij: Gewiss. Sägt soo: “Ik dau groot frööligkët mit dij reäl lijb häwe, weegen duu däist mijn unruigkët saie. Duu däist mijn groot nood kene.”

Michele: Waite dat Jehovaa em sij nood saie däir, däir Davi sër trööste. Däit dij ni beschööne waite dat Jehovaa süüt un forståe däit dai nood wat wij doirsete, lijkerst wen dai andrer lüür dat ni saie daue?

Sofij: Gans sicher.

Michele: Dai twait bewunrig wårhët is dat God ni erlaube däit dat wij nood doirsete daue up ümer. Dai Bijbel sägt, bald God uutrote däit Satan sij regirung. Hai däit al dai slechte daile ruunerbringe, sogår dai daile wat mit dij un mit dijn mama passijrt sin. Anerd week, kan ik tröögkåme taum wijse wosoo waite wij dat bald God wirklig dai nood almåke däit.d

Sofij: Kan sin.