LËR DAI LÜÜR IN JËSUS NÅGÅE
KAPITEL 10
Streng dij an taum dai lüür helpe Jësus någåe
Ine Bijbel stäit: “Wij wäire trecht ni bloos juuch dai gaure nijges fon God inlëre, åwer uk oos best tau juuch måke, weegen jij sin sër lijbt woore for oos.” (1 Tes 2:8)
Wat hät Jësus måkt?
1. Kijk der VIDEO, urer lees João 3:1 un 2. Nåheer, dau dai frågen hijr uuner antwoore:
Woweegen mainst duu hät Nicodemos ine nacht Jësus besöcht? (Lees João 12:42 un 43)
Dat Jësus ine nacht mit Nicodemos fortelt hät, wosoo wijst dat dat hai sich wirklig anstrenge däir taum dai lüür helpe em någåe?
Wat lëre wij fon Jësus?
2. Wij wijse lijb up dai lüür wen wij oos wirklig anstrenge taum dai helpe Jësus någåe.
Måk Jësus nå
3. Hul dai kurs fone Bijbel ine stuun un stel wat sich passt tau dai wat lëre wil. Kan sin dat dai lëre wil in aine stuun im dag urer aine dag ine week wat sich beeter tau dem passt. Woo wil dai laiwer lëre: t’huus, upe arbëd urer upe ande stel? Soo as hengiwt tau dij, dau dij inrichte taum dai kurs fone Bijbel hule up dai stuun un stel woo dai mësch laiwer lëre wil.
4. Dau ni bloos dai kurs hen un wen hule. Wen’s duu ni hengåe kast dai kurs hule, dau dai ni afbestele. Airer, denk soo:
‘Kan ik dai kurs fone Bijbel aine ande dag ine week hule?’
‘Kan ik dai kurs fone Bijbel doir telefon urer internet hule?’
‘Kan ik taum aim ande forlange dai kurs fone Bijbel hule?’
5. Dau beere taum der mësche saie soo as Jehovaa der süüt. Forlang tau Jehovaa dat hai dij helpe däit taum ni nålåte der mësche inlëre, lijkerst wen dai bloos hen un wen lërt urer däit ni glijk dårnå leewe wat dai lërt. (Fil 2:13) Kan sin dat dai mësch wat dai Bijbel lërt hät feel gaure moors. Dau beere dat’s duu dës gaure moors saie däist.