२७ “तिमीले बबुल काठको वेदी बनाउनू;+ त्यसको लम्बाइ पाँच हात र चौडाइ पाँच हात होस्‌। वेदी चारकुने होस्‌ र त्यसको उचाइ तीन हात* होस्‌।+ २ वेदीको चारै कुनामा चुच्चो उठाएर एउटा-एउटा सिङ बनाउनू।+ वेदीलाई तामाले मोहोर्नू।+ ३ वेदीको खरानी* उठाउन बाल्टिन बनाउनू; साथै साबेल, बाटा, काँटा र कोइला राख्ने भाँडो पनि बनाउनू। यी सबै सरसामान तामाको होस्‌।+ ४ वेदीको लागि तामाको जाली बनाउनू अनि जालीको चारै कुनामा तामाका एक-एक वटा मुन्द्रा लगाउनू। ५ जालीलाई वेदीको चारैपट्टिको बिटमुनि राख्नू; त्यो जाली वेदीको बीचतिर होस्‌। ६ वेदीको लागि बबुल काठका डन्डीहरू बनाउनू र त्यसलाई तामाले मोहोर्नू। ७ वेदीलाई उठाएर लैजाने बेला यी डन्डीहरूलाई वेदीको दुईतिर भएका मुन्द्राहरूमा घुसाउनू।+ ८ तिमीले बनाएको वेदी खोक्रो बाकसजस्तै होस्‌। परमेश्‍वरले तिमीलाई डाँडामा देखाएको नमुनाअनुसारै त्यो बनाउनू।+

१० त्यसैगरि अग्निभेटी चढाउने वेदी र त्यसका सबै सरसामान पनि अभिषेक गर्नू र चोख्याउनू। यसरी यो वेदी महापवित्र हुनेछ।+