२२ “त्यसपछि थुमाको बोसो, बोसेपुच्छर,* आन्द्राभुँडी ढाक्ने बोसो, कलेजोमाथि भएको बोसो, दुई वटा मिर्गौला अनि त्यसमाथि भएको बोसो+ र दाहिने खुट्टा लिनू किनकि यो पुजारी नियुक्‍त गर्दा चढाइने थुमा हो।+ २३ यहोवा परमेश्‍वरसामु राखिएका रोटीहरूको टोकरीबाट एउटा गोलो अखमिरा रोटी, तेलमा मुछेको सेल आकारको एउटा अखमिरा रोटी र एउटा अखमिरा पापडी पनि लिनू। २४ तिमीले यी सबै कुरा हारुन र तिनका छोराहरूको हातमा राख्नू र त्यसलाई डोलाउनू।* यसरी यहोवा परमेश्‍वरसामु डोलाउने भेटी* चढाउनू। २५ अनि यी सबै कुरा तिनीहरूका हातबाट लिएर जलिरहेको अग्निभेटीमाथि राखेर जलाइदिनू। यसबाट निस्केको बास्ना यहोवा परमेश्‍वरलाई मन पर्ने मीठो बास्ना हुनेछ। यो यहोवा परमेश्‍वरको निम्ति आगोमा जलाइने भेटी हो।