२२ त्यसपछि तिनले अर्को थुमा अर्थात्‌ पुजारी नियुक्‍त गर्दा चढाइने थुमा ल्याए+ अनि हारुन र उनका छोराहरूले त्यसको टाउकोमाथि आफ्नो हात राखे।+

२५ अनि तिनले बोसो, बोसेपुच्छर,* आन्द्रालाई ढाक्ने बोसो, कलेजोमाथिको बोसो, दुवै मिर्गौला र त्यसमाथि भएको बोसो र दाहिने खुट्टा लिए।+ २६ तिनले यहोवा परमेश्‍वरसामु भएको अखमिरा रोटीको डालोबाट सेल आकारको एउटा अखमिरा रोटी,+ तेलमा मुछेर पकाइएको एउटा अखमिरा रोटी+ र एउटा अखमिरा पापडी लिए। अनि तिनले ती सबैलाई थुमाको बोसो र दाहिने खुट्टामाथि राखे। २७ त्यसपछि मोसाले ती सबैलाई हारुन र उनका छोराहरूको हत्केलामा राखिदिए र डोलाउने भेटीको रूपमा यहोवा परमेश्‍वरसामु डोलाए।* २८ अनि मोसाले तिनीहरूको हातबाट ती लिए र अग्निभेटीमाथि राखेर वेदीमा जलाए। पुजारी नियुक्‍त गर्दा चढाइएको भेटीबाट निस्केको बास्ना यहोवा परमेश्‍वरलाई मन पर्ने मीठो बास्ना थियो।