४ जब यहुदा र बिन्यामिनका शत्रुहरूले+ निर्वासनबाट फर्केर आएकाहरू+ इस्राएलका परमेश्‍वर यहोवाको मन्दिर बनाउँदै छन्‌ भनेर सुने, २ तब तिनीहरू तुरुन्तै यरुबाबेलकहाँ र बुबापट्टिको घरानाका नाइकेहरूकहाँ गए अनि उनीहरूलाई यसो भने: “हामीलाई पनि तपाईँहरूसँगै मिलेर मन्दिर बनाउन दिनुहोस्‌। किनकि तपाईँहरूजस्तै हामी पनि तपाईँहरूका परमेश्‍वरको उपासना गर्छौँ।*+ अनि हामीलाई यहाँ ल्याउनुहुने अस्सेरियाका राजा एसर-हद्दोनको+ दिनदेखि हामीले तपाईँहरूका परमेश्‍वरको निम्ति बलि चढाउँदै आएका छौँ।”+ ३ तर यरुबाबेल, यसुआ र इस्राएलको बुबापट्टिको घरानाका बाँकी नाइकेहरूले तिनीहरूलाई यसो भने: “हामीसित मिलेर हाम्रा परमेश्‍वरको निम्ति मन्दिर बनाउने अधिकार तपाईँहरूसित छैन।+ फारसका राजा कोरेसले इस्राएलका परमेश्‍वर यहोवाको निम्ति मन्दिर बनाउने जुन आदेश हामीलाई दिनुभएको थियो, त्यो हामी नै पूरा गर्नेछौँ।”+