७ मेरो हृदय स्थिर छ, हे परमेश्वर,+
मेरो हृदय स्थिर छ।
म बाजाहरू बजाउँदै गीत गाउनेछु।
८ ए मेरो हृदय, जाग्।
ए तारे बाजा, ए वीणा, जाग!
म बिहानीको उषालाई ब्युँझाउनेछु।+
९ हे यहोवा, जातिजातिमाझ म तपाईँको प्रशंसा गर्नेछु;+
राष्ट्रहरूमाझ म तपाईँको स्तुति गाउनेछु।+
१० किनकि तपाईँको अटल प्रेम अपार छ, त्यो स्वर्गजत्तिकै उच्च छ+
अनि तपाईँको वफादारी आकाशजत्तिकै उच्च छ।
११ हे परमेश्वर, स्वर्गमा तपाईँको महिमा होस्;
तपाईँको महिमाले सारा पृथ्वीलाई ढाकोस्।+