“आनन्दित प्रशंसकहरू” अधिवेशन के तपाईं उपस्थित हुनुहुनेछ?
आनन्द! यस संकष्टमय संसारमा के तपाईंलाई यो शब्द अनौठो वा असान्दर्भिक लाग्छ? निस्सन्देह पत्रपत्रिकाहरूले आनन्दित हुने धेरै कारणहरू दिंदैनन्। जातीय दंगा, व्यापक भोकमरी, बेरोजगार, खतरनाक प्रदूषण, राजनैतिक अस्थिरता, अपराध—के यी कुराहरूले हाम्रो हृदयलाई आनन्दित बनाउँछ र?
धेरै मानिसहरू आफ्नो जीवनमा जे-जति भोगविलास गर्न पाइन्छ त्यसको पूर्ण उपयोग गर्न चाहन्छन्। तर आनन्द? आनन्दलाई “खुशी; हर्षोल्लास” भनी व्याख्या गरिएको छ। कमैले यी कुराहरूको अनुभव गर्न पाएका हुन्छन् र त्यो पनि प्रायः क्षणिक मात्रामा।
यद्यपि, हाम्रो दिनलाई संकेत गर्दै बाइबलले यस्तो अगमवाणी गरेको थियो: ‘परमप्रभु भन्नुहुन्छ, “हेर मेरा दासहरूले हर्ष मनाउनेछन्। हेर, मेरा दासहरू हृदयमा आनन्द भएकोले गाउनेछन्।”’ (यशैया ६५:१३, १४) यो कसरी सम्भव हुनसक्छ?
यस प्रश्नको जवाफका लागि हामी तपाईंलाई सन् १९९५ मा सम्पन्न हुने यहोवाका साक्षीहरूका जिल्ला अधिवेशनहरूमध्ये एकमा उपस्थित हुन आमन्त्रित गर्छौं। यी अधिवेशनहरूको शीर्षक छ, “आनन्दित प्रशंसकहरू” र उपस्थित हुन कुनै शुल्क लाग्दैन। तीन-दिने अधिवेशनको कार्यक्रममा बाइबलमा आधारित भाषण, प्रदर्शनी, छलफल र अन्य विषयवस्तुहरू समावेश हुनेछन्। सम्पूर्ण कार्यक्रमको दौडान मूल विषय आनन्दलाई जोड दिइनेछ।
संयुक्त राज्यमा जून महिनादेखि यी अधिवेशनहरू सुरु हुनेछन् र सन् १९९६ को प्रारम्भसम्म सारा संसारका शहरहरूमा चल्नेछन्। सम्भवतः तपाईंलाई नजीक पर्ने स्थानमा पनि यो अधिवेशन सम्पन्न हुनसक्छ। त्यसोभए तपाईंकै इलाकामा बस्ने यहोवाका साक्षीहरूसँग सोधपूछ गरे कसो होला? यो अधिवेशनमा उपस्थित हुन हामी तपाईंलाई हार्दिक निमन्त्रणा दिन्छौं।