क्षेत्र सेवाका उल्लेखनीय पक्षहरू

जनवरी २०१२

प्रकाशकहरूको सङ्‌ख्या १,६४८ पुगेको जानकारी दिन पाउँदा हामीलाई खुसी लागेको छ। यो अहिलेसम्मकै शिखर सङ्‌ख्या हो। गत वर्ष जनवरी महिनाको तुलनामा अहिले १२% वृद्धि भएको छ। यस महिना ३,२३४ वटा बाइबल अध्ययन सञ्चालन हुनु र १८,३६२ वटा पुनःभेट गरिनु पनि सराहनीय छ। यसले भाइबहिनीहरू प्रचारकार्यमा सुस्ताएका छैनन्‌ भन्‍ने प्रमाण दिन्छ। फेरि कहिल्यै नदोहोरिने यस प्रचारकार्यको लागि “समयको पूरा सदुपयोग” गरिरहन सकौं।—एफि. ५:१६.