ख्रिष्टियन जीवन
हामी यहोवाले दिनुहुने अनुशासनलाई समर्थन गरेर प्रेम देखाउँछौँ
बहिष्कारको प्रबन्धले मण्डलीलाई सुरक्षित राख्छ अनि गम्भीर गलत काम गरेर पश्चात्ताप नगर्नेहरूलाई अनुशासन दिन्छ। (१को ५:६, ११) यहोवाले दिनुहुने यस्तो अनुशासनलाई समर्थन गर्दा हामीले प्रेम देखाइरहेका हुन्छौँ। नजिकका आफन्तहरू र न्यायिक समितिका साथै सम्बन्धित सबैलाई भावनात्मक पीडा हुने भए तापनि यस प्रबन्धलाई समर्थन गर्दा कसरी प्रेम देखाइरहेका हुन्छौँ?
सबैभन्दा महत्त्वपूर्ण कुरा हामी यहोवाको तौरतरिका र पवित्रतासम्बन्धी उहाँको स्तरलाई प्रेम गर्छौँ। (१प १:१४-१६) हामी बहिष्कृत व्यक्तिलाई पनि प्रेम गर्छौँ। कडा अनुशासन पीडादायी भए तापनि यसले “शान्ति र धार्मिकता” फलाउन सक्छ। (हिब्रू १२:५, ६, ११) बहिष्कृत व्यक्ति वा मण्डली परित्याग गरेका व्यक्तिसित सङ्गत गऱ्यौँ भने यहोवाले दिनुहुने अनुशासनमा बाधा पुऱ्याइरहेका हुन्छौँ। नबिर्सनुहोस्, यहोवा आफ्ना मानिसहरूलाई “ठीक मात्रामा अनुशासन” दिनुहुन्छ। (यर्मि ३०:११) ती व्यक्ति हाम्रा कृपालु बुबातर्फ फर्कने आशा गर्छौँ। त्यतिन्जेल हामी यहोवाले दिनुहुने अनुशासनलाई समर्थन गरिरहन्छौँ अनि यहोवासितको आफ्नो सम्बन्धलाई बलियो बनाउन आवश्यक सबै कुरा गर्छौँ।—यसै १:१६-१८; ५५:७.
एकै मनको भएर वफादारिता कायम गरिरहनुहोस् भिडियो हेर्नुहोस् अनि निम्न प्रश्नहरूको जवाफ दिनुहोस्:
आफ्नो छोरा वा छोरीले यहोवालाई त्याग्दा ख्रिष्टियन आमाबुबा कस्तो महसुस गर्छन्?
परिवारका वफादार सदस्यहरूलाई मण्डलीले कसरी मदत गर्न सक्छ?
परिवारप्रतिभन्दा यहोवाप्रति वफादार हुनुपर्ने महत्त्वलाई कुन बाइबल विवरणले प्रस्ट पार्छ?
परिवारप्रतिको भन्दा यहोवाप्रतिको वफादारितालाई हामी कसरी प्राथमिकता दिन सक्छौँ?