अप्रिल २९—मे ५

• भज ३५:१९—दाउदले ‘मलाई घृणा गर्नेहरूलाई आँखा झिम्काउन नदिनुहोस्‌’ भन्‍नुको मतलब के हो? (w०६ ६/१ पृ. ५ अनु. ५)

  तपाईँको जवाफ

• यस हप्ताको बाइबल पढाइबाट तपाईँले कस्ता बहुमूल्य रत्न भेट्टाउनुभयो?

  तपाईँको जवाफ

सभामा हामी यहोवाको प्रशंसा गर्ने राम्रो मौका पाउँछौँ। तीन वटा तरिका विचार गरौँ।

कुराकानी: यहोवाको भलाइबारे अरूसित कुराकानी गर्नुहोस्‌। (भज १४५:१, ७) हालै आफूले पढेको वा सुनेको कुनै कुराबाट लाभ उठाउनुभएको थियो कि? क्षेत्र सेवामा राम्रो अनुभव बटुल्नुभएको थियो कि? अरूको बोली वा व्यवहारबाट प्रोत्साहन पाउनुभएको थियो कि? अथवा सृष्टिका कुराहरू हेरेर आफ्नो मन छोएको थियो कि? यी सब यहोवाले दिनुभएका उपहारहरू हुन्‌। (या १:१७) यसबारे हामी एकअर्कासित कुराकानी गर्न सक्छौँ। त्यसैले सभामा केही मिनेट अगाडि आउनुभयो भने अरूसित कुराकानी गर्ने समय पाउनुहुनेछ।

टिप्पणी: हरेक सभामा कम्तिमा एकचोटि टिप्पणी दिने कोसिस गर्नुहोस्‌। (भज २६:१२) तपाईँ प्रश्‍नको सीधा जवाफ दिन सक्नुहुन्छ। साथै अनुच्छेदको थप बुँदा, शास्त्रपद, चित्र वा लागू गर्न सकिने बुँदाबारे बताउन सक्नुहुन्छ। तपाईँले हात उठाउँदा अरूले पनि हात उठाउन सक्छन्‌, त्यसैले दुई-चार वटा टिप्पणी तयारी गर्नुहोस्‌। यदि तपाईँको टिप्पणी ३० सेकेन्ड वा त्यो भन्दा कम छ भने अरूले पनि ‘परमेश्‍वरलाई प्रशंसाको बलिदान’ चढाउने मौका पाउनेछन्‌।—हिब्रू १३:१५.

गीत: जोसका साथ राज्य गीतहरू गाउनुहोस्‌। (भज १४७:१) हरेक पटक सभामा टिप्पणी दिने मौका नपाउन सक्छौँ, अझ विशेष गरी ठूलो मण्डलीमा। तर गीत गाएर भने तपाईँ सधैँ परमेश्‍वरको प्रशंसा गर्न सक्नुहुन्छ। आफूलाई राम्ररी गीत गाउन आउँदैन जस्तो लागे पनि आफ्नो तर्फबाट सक्दो प्रयास गर्नुभयो भने यहोवा धेरै खुसी हुनुहुनेछ! (२को ८:१२) तपाईँ घरमा पहिल्यै गीतहरूको अभ्यास गर्न सक्नुहुन्छ।

इतिहासका पानाहरू—गीत—यहोवाले दिनुभएको उपहार, भाग १ भिडियो देखाउनुहोस्‌। त्यसपछि श्रोतालाई सोध्नुहोस्‌:

हाम्रो सङ्‌गठनले यहोवाको स्तुतिगान गाउनुको महत्त्वलाई कसरी सुरुदेखि नै जोड दियो?