मे ५-११

• हित १२:१६—यस पदमा पाइने सिद्धान्तले तपाईँलाई कसरी समस्याहरूको सामना गर्न मदत गर्छ? (ijwyp लेख ९५ अनु. १०-११)

  तपाईँको जवाफ

• यस हप्ताको बाइबल पढाइबाट तपाईँले कस्ता बहुमूल्य रत्न भेट्टाउनुभयो?

  तपाईँको जवाफ

के तपाईँ जागिर नभएकोले वा जागिर गुमाउनुपरेकोले चिन्तित हुनुहुन्छ? अथवा पुग्दो पैसा कमाउन नसकेकोले वा ढल्कँदो उमेरको कारण पो चिन्तित हुनुहुन्छ कि? यस संसारको आर्थिक अवस्था जतिखेर पनि परिवर्तन हुन सक्ने भएकोले यसले हामीलाई पनि असर गर्न सक्छ। तर त्यस्तो गाह्रो अवस्थामा पनि हामीले यहोवालाई पहिलो स्थानमा राख्यौँ भने उहाँले सधैँ हाम्रो आवश्‍यकता पूरा गरिदिने आश्‍वासन दिनुभएको छ।—भज ४६:१-३; १२७:२; मत्ति ६:३१-३३.

यहोवाले आफ्नो वाचाअनुसारै सधैँ हाम्रो देखभाल गर्नुभएको छ भन्‍ने भिडियो देखाउनुहोस्‌। त्यसपछि श्रोतालाई सोध्नुहोस्‌:

• भाइ अल्भाराडोको अनुभवबाट तपाईँले के सिक्नुभयो?

  तपाईँको जवाफ

१ तिमोथि ५:८ पढ्‌नुहोस्‌। त्यसपछि श्रोतालाई सोध्नुहोस्‌:

• यहोवा आफ्ना उपासकहरूको परिवारलाई समेत सधैँ हेरविचार गर्नुहुन्छ भन्‍ने कुरामा यस पदले कसरी ढुक्क बनाउँछ?

  तपाईँको जवाफ

आर्थिक समस्याको सामना गर्न मदत गर्ने केही बाइबल सिद्धान्तहरू:

• सरल जीवन बिताउनुहोस्‌। अनावश्‍यक ऋण नलिनुहोस्‌ अनि फजुल खर्च नगर्नुहोस्‌।—मत्ति ६:२२

• आध्यात्मिक कुरालाई प्रथम स्थानमा राख्न मदत दिने काम र शिक्षा रोज्नुहोस्‌।—फिलि १:९-११

• नम्र हुनुहोस्‌ र छाँटकाँट गर्न तयार हुनुहोस्‌। तपाईँले जागिर गुमाउनुभएको छ भने आफ्नो परिवारको आवश्‍यकता पूरा गर्नको लागि सानोतिनो जस्तो देखिने काम गर्न पनि तयार हुनुहोस्‌।—हित १४:२३

• आफूसित थोरै कुरा मात्र छ भने पनि अरूलाई बाँडचुँड गर्न इच्छुक हुनुहोस्‌।—हिब्रू १३:१६