निश्शुल्क जन भाषण सुन्न आउनुहोस् “अनन्त जीवनमा लाने एकमात्र मार्ग”
झन्डै २० वर्षअघि मृत्युमाथि विजय (अंग्रेजी) नामक पुस्तकमा डा. एल्भिन सिल्भरस्टाइनले यसप्रकार लेखे: “हामी जीवनको सार खोतल्नेछौं। मानिस . . . कसरी बूढो हुन्छ भनेर बुझ्नेछौं।” तिनले यति सम्म अगमवाणी गरे: “ ‘बूढा’ मानिसहरू हुनेछैनन् किनभने मृत्युमाथि विजय गराउने ज्ञानले अनन्तकालीन युवावस्था पनि सम्भव बनाउनेछ।”
हालै सेप्टेम्बर २८, १९९७ को द न्यु योर्क टाइम्स पत्रिका-मा प्रकाशित एउटा लेखले वर्तमान प्रविधिको सम्भाव्यताबारे थुप्रै स्वास्थ्य-सजग मानिसहरूको सोचाइअनुरुप “लामो जीवनको” आशाबारे रिपोर्ट गऱ्यो। त्यस्तै एक उत्साही व्यक्तिले भने, “सधैंभरि बाँच्ने पहिलो पुस्ता हामी नै हुनेछौं भनेर म पक्का विश्वास गर्छु।” अर्को व्यक्ति चाहिं “बूढाबूढी हुने प्रक्रिया रोक्ने वा पुनः जवानीतर्फ फर्काएर [यो पुस्तालाई] बचाउने थप आनुवंशिक प्रविधिहरू उपलब्ध हुनेछन् . . . भन्ने कुरामा निर्धक्क” भएको व्यक्त गर्छन्। के यस्तो आशावादी दृष्टिकोण सुन्दा तपाईंलाई छक्क लाग्यो?
के तपाईंलाई मानिसले प्रविधिद्वारा मृत्युमाथि विजय हासिल गर्ला जस्तो लाग्छ? अथवा सधैंभरि बाँच्ने अर्को कुनै तरिका छ कि? अनन्त जीवन साँच्चै सम्भव छ भनेर संसारभरि लाखौं मानिसहरू विश्वस्त छन्। “परमेश्वरले चाहनुहुने जीवनशैली” मूल विषयक यहोवाका साक्षीहरूको जिल्ला अधिवेशनमा प्रस्तुत गरिने “अनन्त जीवनको एकमात्र मार्ग” भन्ने रोमाञ्चकारी जनभाषण सुन्ने निमन्त्रणा स्वीकार्नुभएर उक्त प्रश्नको जवाफ पाउनुहोस्। तपाईंको घर नजिकै हुने अधिवेशनमा उक्त भाषण सुन्न सक्नुहुनेछ र यो महिनाको सुरुतिर प्रारम्भ हुने यी अधिवेशनहरू संसारभरि सयौं स्थानमा सम्पन्न हुनेछन्।
तपाईंलाई पायक पर्ने अधिवेशन स्थलबारे थाह पाउन स्थानीय यहोवाका साक्षीहरूसित सम्पर्क राख्नुहोस् वा यस पत्रिकाका प्रकाशकहरूसित पत्राचार गर्नुहोस्।