राम्ररी सिकाउन तयारी गर्नुहोस्
येशूलाई दुई जना व्यक्तिले फरक-फरक समयमा अनन्त जीवनबारे एउटै प्रश्न सोधेका थिए। उहाँले दुवै पटक तिनीहरूको आवश्यकता विचार गरेर फरक-फरक तरिकामा जवाफ दिनुभयो। (लूका १०:२५-२८; १८:१८-२०) बाइबल अध्ययनको लागि चलाइने प्रकाशनहरूमा भएको कुरा कण्ठै छ भने पनि हामीले विद्यार्थीलाई मनमा राखेर पहिल्यै तयारी गर्नुपर्छ। तयारी गर्दा यी कुराहरू विचार गर्नु बेस हो: तिनलाई कुन कुरा बुझ्न अथवा स्वीकार्न गाह्रो लाग्न सक्छ? अनुच्छेदमा दिइएको कुन-कुन बाइबल पद पढ्ने? कतिवटा अनुच्छेद छलफल गर्ने? छलफल गरिएको कुरा विद्यार्थीले बुझ्न सकून् भनेर उदाहरण चलाउनुपर्ने हुन सक्छ, व्याख्या गर्नुपर्ने हुन सक्छ अथवा केही प्रश्न सोध्नुपर्ने हुन सक्छ। त्यसैले यी कुराहरूको लागि पहिल्यै तयारी गर्नु राम्रो हो। यहोवाले नै मानिसहरूको हृदयमा सत्यको बीउ बढाउनुहुन्छ। त्यसैले अध्ययनको तयारीमा र विद्यार्थीको लागि यहोवाको आशिष् माग्नुपर्छ। तिनलाई यहोवासित घनिष्ठ हुन मदत गरेको हाम्रो प्रयासमा पनि उहाँको मदत माग्नुपर्छ।—१ कोरि. ३:६; याकू. १:५.