के तपाईँ अडियो बाइबलको सदुपयोग गर्दै हुनुहुन्छ?

अडियो बाइबल भनेको के हो? अडियो बाइबल संशोधित नयाँ संसार अनुवाद-को रेकर्डिङ हो। यो बिस्तारै धेरै भन्दा धेरै भाषामा विमोचन हुँदै छ। अडियो बाइबलको एउटा विशेषता भनेको यसमा प्रत्येक बाइबल पात्रको लागि फरक-फरक आवाज प्रयोग गरिएको छ। अनि बाइबलको सही सन्देश व्यक्‍त गर्न ठीक ठाउँमा जोड दिएर भावसहित पढिएको छ।

अडियो बाइबलबाट कसै-कसैले कस्तो लाभ उठाएका छन्‌? नियमित रूपमा अडियो बाइबल सुन्‍ने थुप्रैले परमेश्‍वरको वचन जीवन्त भएको महसुस गरेका छन्‌। तिनीहरूले फरक-फरक पात्रको लागि फरक आवाज सुन्दा बाइबलका घटनाहरू कल्पना गर्न सजिलो भएको अनि लेखिएको कुरा अझ राम्ररी बुझ्न सकेको महसुस गरेका छन्‌। (हित ४:५) अनि थुप्रैले चिन्ता र फिक्रीले सताएको बेला अडियो बाइबल सुन्दा दिलासा पाएका छन्‌। —भज ९४:१९.

परमेश्‍वरको वचन आवाज निकालेर पढिएको सुन्दा त्यसले हाम्रो जीवनमा सशक्‍त प्रभाव पार्छ। (२इ ३४:१९-२१) यदि तपाईँले बुझ्ने भाषामा आंशिक वा पूरा अडियो बाइबल उपलब्ध छ भने नियमित रूपमा सुन्‍ने बानी बसाल्नुभए कसो होला?

अडियो बाइबल कसरी तयार पारिन्छ?—सानो अंश भिडियो हेर्नुहोस्‌ अनि निम्न प्रश्‍नको जवाफ दिनुहोस्‌:

यस भिडियोमा देखाइएको कुन कुराले तपाईँको मन छोयो?