OSHIGWEDHELWAKO C
Nkene wu na okutameka omakonakonombiimbeli to longitha embo Kala nonkalamwenyo ombwanawa sigo aluhe
Opo embo Kala nonkalamwenyo ombwanawa sigo aluhe li nyanyangidhwe, aamwatate oya li ya galikana iikando oyindji nokudhiladhila kutya oshike shi na okunyolwa mo. Opo wu mone uuwanawa membo ndika, ninga iinima tayi landula uuna to konakona naantu Ombiimbeli.
Manga inoo ka konakona nomuntu
1. Ilongekidhila nawa ekonakono lyeni. Sho to shi ningi, dhiladhila koompumbwe dhe, onkalo ye nosho wo shoka omukonakoni a itaala. Kambadhala okundhindhilika iitsa mbyoka tashi vulika yi kale iidhigu kuye okuuva ko nenge oku yi tula miilonga. Tala nkene to vulu okulongitha uuyelele mboka wu li moshitopolwa “Uuyelele wagwedhwa po” wu kwathele omukonakoni, ngoye kala wi ilongekidha oku shi longitha ethimbo kehe mpoka sha pumbiwa pethimbo lyekonakonombiimbeli lyeni.
Sho tamu konakona
2. Tameka e to hulitha negalikano, kakele shila ngele omukonakoni inaa hala.
3. Takamitha ku kale ongoye ho popi unene. Longitha uuyelele mboka wa gandjwa e to etha omukonakonimbiimbeli a kale ta popi a manguluka.
4. Uuna to tameke noshitopolwa oshipe kehe, lesha kutya otashi kundathana kombinga yashike e to tumbula iipalanyolo yiileshwa yimwepo.
5. Ngele wa mana ko oshitopolwa kehe, longitha omapulo geendululo goshitopolwa shoka wu kwathele omukonakoni a dhimbulukwe oshili ya simana ndjoka a ilonga.
6. Sho to konakona oshileshwa kehe nomukonakoni gwoye:
Lesha okatendo kehe.
Lesha omanyolo ngoka ga nyolwa “Lesha.”
Lesha omanyolo galwe mpoka sha pumbiwa.
Dhana uuvidio awuhe mboka wa nyolwa “Dhana” (ngele owu wu na).
Pula omukonakoni epulo kehe.
Pula omukonakoni gwoye a tale omathano ngoka ge li moshitopolwa “Ilonga oshindji” e to mu pula a tye ko sha.
Longitha okampungu hoka ka nyolwa “Itulila po elalakano,” opo wu mone nkene omukonakonimbeli gwoye ta humu komeho. Opo a itulile po ishewe omalalakano ga gwedhwa po, oto vulu oku mu tsa omukumo a kale ta longitha okampungu omalalakano galwe.
Pula omukonakoni gwoye ngele oku hole okulesha iitopolwa nenge okutala uuvidio mboka wu li moshitopolwa “Uuyelele wa gwedhwa po” sho ti ilongekidhile ekonakonombiimbeli lye.
Kambadhala okumana ko oshileshwa shimwe oshikando kehe.
Konima yekonakono
7. Kala ho dhiladhila kombinga yomukonakonimbiimbeli gwoye. Pula Jehova okupitila megalikano a yambeke omukonakonimbiimbeli gwoye a hume komeho noku ku pe uunongo nkene wu na oku mu kwathela.