Okuza Eyelu sigo Emanguluko muEgipiti

Aantu owala yahetatu ya hupithwa kEyelu, ihe mepitathimbo yo oyi indjipala sigo omayuvi ogendji. Opo nduno, oomvula 352 konima yEyelu, Abraham okwa valwa. Tse otatu ilongo nkene Kalunga a ­gwanitha euvaneko lye mokupa Abraham omumati gwedhina Isaak. Opo nduno, maamati yaali yaIsaak, Kalunga okwa hogolola mo Jakob.

Jakob okwa li e na uukwanegumbo owindji aamati 12 naakadhona yontumba. Aamati 10 yaJakob oya tondo omumwahe ondenge yawo Josef, noye mu landitha po omupika muEgipiti. Konima Josef okwa ningi omupangeli a simana gwaEgipiti. Sho ondjala onene ye ya, Josef okwa makele aamwahe okutala ngele omitima dhawo odha lunduluka tuu. Lwahugunina uukwanegumbo auhe waJakob, Aaisrael, owa tembu­kile kuEgipiti. Shika osha ningwa moomvula 290 konima sho Abraham a valwa.

Oomvula 215 dha landula ko Aaisrael oya kala muEgipiti. Konima yeso lyaJosef, yo oya ningi aapika hoka. Konima yethimbo Moses okwa valwa, Kalunga nokwe mu longitha okumangulula Aaisrael muEgipiti. Oomvula 857 adhihe kumwe dhondjokonona otadhi hokololwa mOshitopolwa OSHITIYALI.