Omamiliyona gIishitwa yoPambepo

Ombimbeli otayi tu lombwele kutya oku na aantu yopambepo oyendji. Jehova mwene oye ombepo.—Johannes 4:24; 2 Aakorinto 3:17, 18.

Nalenale Jehova okwa li oye awike meshito alihe. Opo nduno okwa tameke okushita aantu yopambepo yi ithanwa aayengeli. Oye na oonkondo noondunge ye vule aantu. Jehova okwa shiti aayengeli oyendji; memoniko, omupiya gwaKalunga Daniel okwa mono aayengeli omamiliyona ethele.—Daniel 7:10; Aaheberi 1:7.

Aayengeli mbaka oya shitwa kuKalunga nokuli manga inu umba evi. (Job 38:4-7, OB-1986) Kapu na yamwe yomuyo ya li aantu kombanda yevi e taa si.