Popya iinima mbyoka aantu ye na ohokwe muyo

Shoka Jesus a li a ningi

OKAVIDIO: Jesus nomukiintu pomuthima

1. Tala OKAVIDIO, nenge wu leshe Johannes 4:6-9. Opo ihe to yamukula omapulo taga landula:

1. Iinima yini Jesus a li a tala kombinga yomukiintu, manga inaa tameka oonkundathana naye?

2. Jesus okwa indile omukiintu omeya a ti: “Pe ndje wo, ndi nwe mo.” Omolwashike omukalo ngoka gwa dhenga mbanda mokutameka oonkundathana?

Oshike tatu ilongo koshiholelwa shaJesus?

2. Otashi ka kala oshipu kutse okutameka oonkundathana, ngele otwa popi kombinga yoshinima shoka omuntu e na ohokwe musho.

Holela Jesus

3. Kala ho tifuka. Ino kala owala wa hala okutameka oonkundathana kombinga yoshinima shoka wi ilongekidha oku ka popya. Pehala lyaashono, kundathana naantu iinima mbyoka taya ipula nayo monkalamwenyo yawo. Ipula to ti:

1. ‘Oshike tashi popiwa moonkundana?’

2. ‘Mbela aashiinda, aaniilonga nenge aanasikola ooyakwetu otaya popi unene kombinga yashike?’

4. Kala ho konenene onkalo. Ipula to ti:

1. ‘Mbela omuntu okwa ipyakidhila nashike? Otashi vulika ta dhiladhila kombinga yashike?’

2. ‘Mbela omizalo dhomuntu, eholokopo lye nosho wo egumbo lye otayi lombwele ndje shike kombinga yeitaalo neputuko lye?’

3. ‘Mbela ethimbo otali opalele ngaa okutameka oonkundathana nomuntu ngono?’

5. Kala ho pulakene.

1. Ino popya iinima oyindji.

2. Ladhipika omuntu a holole omadhiladhilo ge. Ngele otashi opalele, mu pula omapulo mpoka sha pumbiwa.