Okuhwepopaleka uunkulungu wetu muukalele — Okutameka oonkundathana ndhoka tadhi gandja ompito yokuuvitha

Jesus okwa li a vulu okugandja uunzapo wontukuluka komukiintu Omusamaria, oshoka okwa tameke oonkundathana naye. Ongiini tatu vulu okuhwepopaleka uunkulungu wetu wokutameka oonkundathana naamboka kaatu shi?

• Popya naantu nombili. Nonando Jesus okwa li a vulwa, okwa li a tameke oonkundathana mokupula owala omeya gokunwa. Onkee ano, oto vulu okutameka oonkundathana mokupopitha omuntu nohamu e to popi sha kombinga yonkalo yombepo nenge yoshiningwanima oshitalala. Dhimbulukwa kutya elalakano lyotango olyo okutameka owala oonkundathana. Onkee ano, popya kombinga yoshinima kehe shoka tashi vulu okupendutha ohokwe yomuntu. Ngele ina tya sha, kashi na mbudhi. Kambadhala ishewe okupopya nagulwe. Pula Jehova e ku pe uulaadhi. — Neh 2:4; Iil 4:29.

• Kala ho kongo ompito yokuuvitha onkundana ombwanawa, ihe ino shi ninga neendelelo. Oonkundathana dheni nadhi kale paunshitwe. Ngele oto mu kondjitha, otashi vulika a kale inaa manguluka e ta mwena. Ino yemata ngele oonkundathana odha hulu inoo gandja uunzapo. Ngele owu na uumbanda wokulombwela gumwe onkundana ombwanawa, idheula okutameka oonkundathana kuu na elalakano lyokugandja uunzapo. [Dhana okavidio kotango e tamu ka kundathana.]

• Kambadhala okukonga ompito yokugandja uunzapo mokupopya tashi zi komutima kombinga yeitaalo lyoye, shoka tashi vulu okuningitha omupulakeni e ku pule wu mu yelithile. Jesus okwa li a popi oohapu tadhi hokitha ndhoka dhi inyengitha omukiintu e mu pule omapulo. Sho e mu uvithile onkundana ombwanawa, okwa li owala a yamukula omapulo ge. [Dhana okavidio okatiyali e tamu ka kundathana, opo nduno dhana okatitatu e tamu ka kundathana.]