Kala omwiidhidhimiki

Shoka Jesus a li a ningi

OKAVIDIO: Jesus ta kwathele neidhidhimiko omumwayinamati

1. Tala OKAVIDIO, nenge wu leshe Johannes 7:3-5 nosho wo 1 Aakorinto 15:3, 4, 7. Opo ihe to yamukula omapulo taga landula:

1. Aamwayinamati yaJesus oya li yi inyenge ngiini, sho e ya uvithile oshikando shotango?

2. Oshike tashi ulike kutya Jesus okwa tsikile nokukwathela omumwayina Jakob?

Oshike tatu ilongo koshiholelwa shaJesus?

2. Otwa pumbwa okukala hatu idhidhimike, oshoka aantu yamwe ohaya kutha ethimbo ele, opo ya taambe ko onkundana ombwanawa.

Holela Jesus

3. Longitha omikalo dha yoolokathana. Ngele omuntu ota ongaonga okuzimina mu tameke ekonakonombiimbeli, ino mu thininika. Ngele otashi opalele, mu ulukila uuvidio, nenge iitopolwa mbyoka tayi mu kwathele a mone shoka hashi ningwa pekonakonombiimbeli nosho wo uuwanawa mboka ta ka mona okupitila mulyo.

4. Ino yelekanitha aantu. Omuntu kehe okwi ili. Ngele omuntu gwaandjeni, nenge ngoka ho shuna kuye ota kakadhala okuzimina okukonakona Ombiimbeli, nenge okwiitala elongo lyontumba lyOmbiimbeli, tala kutya oshike tashi vulika tashi mu imbi. Mbela okwa lenga unene elongo lyontumba lyelongelokalunga moka e li? Mbela ota patanekwa kaakwanezimo, nenge kaashinda? Mu pa ethimbo a dhiladhile kombinga yaashoka we mu lombwela, noku mone esimano lyaashoka Ombiimbeli tayi ti.

5. Kwatela momagalikano goye omuntu ngoka e na ohokwe. Pula Jehova e ku kwathele wu kale wu na etaloko ewanawa nosho wo ondjaalela. Mu pula wo e ku pe oondunge dhokuyoolola, opo wu tokole kutya uunake wu na okweetha po omuntu ngoka kee na lela ohokwe. — 1 Kor. 9:26.