Mbela oho nyanyukilwa ngaa “uuthembahenda wokugandja nehalo ewanawa”?

AAKRISTE yonale yomuFilippi oya li ya tseyika nawa omolwokuyambidhidha kwawo nehalo ewanawa elongelokalunga lyashili. Montumwafo yaPaulus ya nwethwa mo ndjoka a li e ya nyolele, okwa ti: “Otandi hambelele Kalunga kandje omolweni amuhe, kehe ethimbo tandi mú dhiladhila. Momagalikano gandje agehe otandi mú galikanene nenyanyu, oshoka omwa kwatha ndje moshilonga sheuvitho lyevaangeli okuza kesiku lyotango sigo ongashingeyi.” (Fil. 1:3-5) Paulus okwa li ta dhimbulukwa nawa nkene Lidia nuukwanegumbo we ya li ya ninginithwa nonkene e ya yakula nokwa thiminike Paulus naauvithi ooyakwawo ya kale megumbo lye.—Iil. 16:14, 15.

Konima yethimbo efupi, egongalo lyaFilippi ndyoka opo lya li lya totwa olya li lya tumine Paulus iikwatha lwaali manga a li nooitaali ooyakwawo muTessalonika iiwike yontumba, shoka shi li konyala ookilometa 160 okuza muFilippi. (Fil. 4:15, 16) Konima yoomvula dhontumba manga aamwatate yomuFilippi noyomuMakedonia ya li ye na “oluhepo olunene” notaya mono iihuna, oyu uvu kutya Aakriste yomuJerusalem nayo otaya mono iihuna noya li ya hala oku ya kwathela. Paulus okwa li a popi kutya “oya gandja shi vulithe” pwaashoka taya vulu okugandja. Okwa nyola wo a ti: ‘Oya kala noku tu indila ya pewe uuthembahenda wokugandja nehalo ewanawa.’—2 Kor. 8:1-4, yelekanitha NW; Rom. 15:26.

Aafilippi oya li natango ye na ombepo yokugandja konima yoomvula omulongo okuza sho ya li ya ningi Aakriste. Sho yu uvu kutya Paulus oku li mondholongo muRoma, oya tumu Epafroditus a faalele omuyapostoli iikwatha nokwa li e ende oshinano shookilometa 1 287 ta taaguluka nomafuta. Osha yela kutya Aafilippi oya li ya hala okugandja sha kuPaulus opo a vule okutsikila okuuvitha nokunkondopaleka aamwahe, nokuli naasho a li mondholongo.—Fil. 1:12-14; 2:25-30; 4:18.

Kunena, Aakriste yashili ohaya tala ko okwaambidhidha iilonga yokuuvitha Uukwaniilwa noyokuninga aantu aalongwa yi li uuthembahenda. (Mat. 28:19, 20) Ohaya pititha komeho iinima yUukwaniilwa mokuyamba po ethimbo lyawo, oonkondo nosho wo iiniwe yawo. Moshimpungu shoka sha pamba oshitopolwa shika omu na iinima mbyoka omuntu ta vulu okuninga opo a ambidhidhe iilonga yokuuvitha mbyoka twa pewa kuKalunga.

[Oshimpungu pepandja 22]

OMIKALO NDHOKA YAMWE HAYA HOGOLOLA OKUGANDJA

OMAYAMBIDHIDHO GIILONGA YOMUUYUNI AUHE

Aantu oyendji ohayi itulile oshimaliwa shontumba, nenge haya ningi omutengenekwathaneko gwoshimaliwa shoka haya tula mokaketha komayambidhidho hoka ka nyolwa “Iilonga yoMuuyuni Auhe.”

Omagongalo ohaga tumu oshimaliwa shika omwedhi kehe kombelewa yOonzapo dhaJehova ndjoka hayi tonatele iilonga miilongo yawo. Omayambidhidho gehalo ewanawa otaga vulu wo okutuminwa shu ukilila kondjukithi tayi landula, Watch Tower Bible and Tract Society of South Africa, Attention Accounting Office, Private Bag X2067, Krugersdorp, 1740, South Africa, nenge ga tuminwe koshitayimbelewa shOonzapo dhaJehova shoka hashi tonatele iilonga moshilongo sheni. (Omayambidhidho gehalo ewanawa taga landula otaga vulu wo okutuminwa koshitayimbelewa shOonzapo dhaJehova shoka hashi tonatele iilonga moshilongo sheni.) Ootyeke ndhoka tadhi tuminwa kondjukithi ndjoka ya tumbulwa pombanda odhi na okunyolwa “Watch Tower Society.” Iikwamalyenge nenge iinima yilwe yongushu otayi vulu wo okugandjwa yi li omayambidhidho. Ngele omuntu ta tumu omayambidhidho ngoka oku na oku ga tuma pamwe nombapila ndjoka tayi ulike kutya iinima mbyoka a tuma oyi li omagano.

OKUGANDJA KWA LONGEKIDHWA

Kakele komagano gopashimaliwa, opu na omagano galwe omuntu ta vulu okugandja opo a ambidhidhe iilonga yUukwaniilwa muuyuni auhe. Omagano ngoka oga kwatela mo iinima tayi landula:

Omakwashilipaleko: O-Watch Tower Bible and Tract Society of South Africa otayi vulu okutulwa mo oyo yi li omuthigululi gwomakwashilipaleko nenge gwopenzela.

Omapungulo giimaliwa: Okambo kombaanga, oombapila ndhoka tadhi ulike kutya owa mbaanga oshimaliwa nehangano lyontumba (certificates of deposit) otayi vulu okunyolwa moondokumende dhopaveta ndhoka tadhi ulike kutya nayi pewe o-Watch Tower Bible and Tract Society of South Africa nenge oyo yi yi thigulule po, pamulandu gwoombaanga dhomoshilongo sheni.

Iipambuliko nomikuli ndhoka omuntu i indilwa komahangano gontumba nenge kepangelo (stocks and bonds): Iipambuliko nomikuli ndhoka omuntu i indilwa komahangano gontumba nenge kepangelo otayi vulu okugandjwa omagano ko-Watch Tower Bible and Tract Society of South Africa nenge oyo yi tulwe mo yi thigulule ngele mwene gwiinima mbyoka a si.

Etungo nenge evi: Omaliko ngoka otaga vulu okugandjwa ge li omagano, nenge ngele ehala lyokukala otali vulu okutulwa kedhina lyehangano nonando omugandji otashi vulika omo ta kala mehala moka. Kwatathana noshitayimbelewa shoka shi li moshilongo sheni manga inoo tula etungo nenge evi kedhina lyehangano.

Omatestamendi noondokumende dhilwe dhopaveta dhi na ko nasha netopolo lyomaliko (wills and trusts): Oto vulu okunyola metestamendi lyoye kutya o-Watch Tower Bible and Tract Society of South Africa oyo tayi thigulula po omaliko nenge iimaliwa yoye. O-Watch Tower Bible and Tract Society of South Africa otayi vulu okunyolwa mo oyo yi mone uuwanawa wopamaliko. Ngele owu ulike kutya ehangano ndyoka wa nyolitha olyopalongelokalunga, otashi vulika kuu nanwe iifendela yontumba.

Opo wu mone uuyelele owundji, oto vulu okukwatathana nOmbelewa yi na ko nasha nIimaliwa (Accounting Office) to shi ningi okupitila mokunyolela kondjukithi nenge mokudhengela kongodhi ndjoka ya tumbulwa pevi, nenge wu kwatathane noshitayimbelewa shoka hashi tonatele iilonga moshilongo sheni.

Accounting Office

Watch Tower Bible and Tract Society of South Africa

Private Bag X2067

Krugersdorp

1740

South Africa

Telephone: 011 761 1323