OMAPULO GOPAMBIIMBELI TAGA YAMUKULWA

Ondiapoli oya za peni?

Kalunga ina shita Ondiapoli. Pehala lyaashono, okwa li a shiti omuyengeli ngoka konima a ka ninga Ondiapoli, ngoka hi ithanwa wo Satana. Ombiimbeli otayi popi kutya Ondiapoli oyo oshishitwa shopambepo shoka sha li kaashi na ondjo yasha monkalamwenyo yasho. Petameko, Ondiapoli oya li omwana gwaKalunga omuyuuki.—Lesha Hesekiel 28:14, 15.

Omuyengeli ota vulu ngiini okuninga Ondiapoli?

Omuyengeli ngoka a ka ninga Ondiapoli okwa li a tokola okupataneka Kalunga nokwa li a hekele aantu yotango moshipotha she. Kungeyi okwi iningi Satana, ndyoka tali ti “Omupataneki.”—Lesha Genesis 3:1-5; Ehololo 12:9.

Omuyengeli ngoka a ka ninga Ondiapoli okwa li e na emanguluko, ngaashi iishitwa yilwe yaKalunga iinandunge, okuninga shoka shu uka nenge shoka inaashi uka, ihe okwa li a kokeke omahalo gokukala a hala okulongelwa. Okwa li a hala unene okusimanekwa shi vulithe okuvulika kuKalunga.—Lesha Mateus 4:8, 9; Jakob 1:13, 14.

Ondiapoli oya kala tayi nwetha mo ngiini aantu? Mbela owu na oku yi tila? Oto vulu okumona omayamukulo komapulo ngaka mOmbiimbeli.