Nkene tatu vulu okutameka omakonakonombiimbeli membo Omalongo gOmbiimbeli

Nonando oyendji yomutse otwa hala okukonakona Ombiimbeli naantu, oshi li oshidhigu oku shi tameka. Embo Omalongo gashili gOmbiimbeli ogeni naanaa? otali vulu oku tu kwathela. Oontetekelihapu ndhoka dhi li pepandja 3-7 odha nuninwa okutameka oonkundathana nomunegumbo kombinga yOmbiimbeli mokulongitha embo ndika. Nokuli naamboka inaaya pyokoka nawa muukalele otaye ke shi mona oshipu oku li longitha okutameka omakonakono.

◼ Oto vulu okulongitha eetopo ndika tali landula mokulongitha epandja 3:

Konima sho wa tumbula oshinima shontumba shoka sha popiwa moonkundana nenge uupyakadhi wontumba momudhingoloko gweni, ukitha eitulomo lyomunegumbo komapulo pepandja 3 e to mu pula a tye ko sha kugo. Opo nduno yanuna pepandja 4-5.

◼ Nenge oto vulu okuukitha eitulomo pepandja 4-5:

Oto vulu okupula: “Mbela itashi ka kala shi li nawa ngele omalunduluko ngaka ge li mpaka oga ningwa shili?” Nenge: “Olini lyomomauvaneko ngaka wa hala lya gwanithwa?” Pulakena nawa keyamukulo.

Ngele omunegumbo oku na ohokwe moshinima shontumba shoka tashi popiwa momanyolo ngoka, mu ulukila shoka Ombiimbeli tayi ti kwaashoka mokulesha uutendo membo mboka tawu popi kombinga yenyolo ndyoka. (Tala oshimpungu pepandja ndika.) Kundathana naye uuyelele mboka wa fa to ningi ekonakonombiimbeli. Shika otashi vulu okuningwa meni lyominute ntano nenge omulongo petalelopo lyotango.

◼ Oto vulu wo okulongitha omapulo pepandja 6 opo omunegumbo a tye sha:

Ukitha eitulomo lyomunegumbo komapulo ngoka ge li pevi lyepandja ndyoka e to mu pula: “Mbela owi ipula ngaa nale shi na ko nasha nalimwe lyomomapulo ngaka?” Ngele oku ulike ohokwe mepulo limwe, inda kuutendo mboka tawu yamukula epulo ndyoka. (Tala oshimpungu pepandja ndika.) Ngele to kundathana naye uuyelele mboka, nena oto ningi ekonakonombiimbeli.

◼ Epandja 7 otali vulu okulongithwa opo wu ulike nkene ekonakonombiimbeli hali ningwa:

Lesha omatumbulo gotango gatatu pepandja mpoka, opo nduno to yanuna pontopolwa 3 e to ulike nkene ekonakono hali ningwa, to longitha okatendo 1-3. Ninga elongekidho wu galuke mu kundathane omayamukulo gomapulo ngoka ge li mokatendo 3.

◼ Nkene wu na okulongekidha eishunoko:

Ngele wa mana ekonakono petalelopo lyotango, ninga elongekidho opo mu tsikile noonkundathana. Oto vulu wu tye: “Muule wominute omishona otwi ilonga shoka Ombiimbeli tayi ti kombinga yoshinima sha simana. [Mu thigila epulo ndyoka tamu ya mu kundathane oshikando tashi landula.] Ongiini ngele tandi galuka pethimbo ndika oshiwike tashi ya?”

Jehova ota tsikile oku tu homateka tu kale aaniilonga ya pyokoka sho esiku lye tali hedha popepi. (Mat. 28:19, 20; 2 Tim. 3:17) Onkee ano, natu longitheni nuulaadhi embo ndika ewanawa okutameka omakonakonombiimbeli.

[Oshimpungu pepandja 3]

Oonkundathana dhOmanyolo ngoka ge li pepandja 4-5

◻ Ehololo 21:4 (epandja 27-28, okatendo 1-3)

◻ Jesaja 33:24; 35:5, 6 (epandja 36, okatendo 22)

◻ Johannes 5:28, 29 (epandja 72-73, okatendo 17-19)

◻ Episalomi 72:16 (epandja 34, okatendo 19)

Omayamukulo komapulo pepandja 6

◻ Omolwashike tatu mono iihuna? (epandja 108-109, okatendo 6-8)

◻ Ongiini tatu vulu okuungaunga niimpwiyu yonkalamwenyo? (epandja 184-185, okatendo 1-3)

◻ Ongiini tatu vulu okukala twa nyanyukwa muukwanegumbo wetu? (epandja 142-143, okatendo 20)

◻ Oshike hashi tu ningilwa ngele twa si? (epandja 58-59, okatendo 5-6)

◻ Mbela oonakusa yetu aaholike otatu ke ya mona we ngaa? (epandja 72-73, okatendo 17-19)

◻ Ongiini tatu vulu okukala nuushili kutya Kalunga ota ka gwanitha po omauvaneko ge ge na ko nasha nonakuyiwa? (epandja 24-25, okatendo 17)