Okavidio The Bible — Its Power in Your Life

Ombiimbeli oya kwathela aantu omamiliyona ya lundulule oonkalo dhawo. Omakotampango gOmbiimbeli geni taga vulu oku tu kwathela tu ungaunge nomaupyakadhi kunena ngele twe ga tula miilonga? Oto ka nyanyukilwa eyamukulo lyepulo ndika sho to tala okavidio okati-2 komuuvidio The Bible — Its Power in Your Life, mboka wu li moka-DVD The Bible — A Book of Fact and Prophecy. Konima yokutala okavidio hoka yamukula omapulo taga landula.

(1) Omolwashike tatu tile kutya Ombiimbeli oyi li embo lya dhenga mbanda? (Heb. 4:12) (2) Ngele Ombiimbeli otayi vulu okukwathela aantu ya hwepopaleke onkalamwenyo yawo, omolwashike pu na omaupyakadhi ogendji kunena? (3) Enenedhiladhilo lyOmbiimbeli olini? (4) Omanyolo geni gOmbiimbeli ga tothwa mokavidio taga vulu okukwathela aaihokani, (a) ya kale haya kundathana aluhe? (b) ya pangele ondjahi yawo? (5) Etaloko lyopaKriste li na ko nasha nondjokana ohali hwepopaleke ngiini onkalamwenyo yuukwanegumbo? (Ef. 5:28, 29) (6) Jehova okwa tulila po ngiini aavali oshiholelwa sha gwanenena? (Mark. 1:9-11) (7) Ongiini aavali taya vulu okuninga ekonakono lyuukwanegumbo li kale tali hokitha? (8) Kakele kekonakonombiimbeli, Oohapu dhaKalunga otadhi ladhipike aavali ya ningile shike oyana? (9) Ongiini omayele gOmbiimbeli taga vulu okukwathela omaukwanegumbo shi na ko nasha nuuhupilo? (10) Ngele otwa tula miilonga shoka Ombiimbeli tayi ti kombinga yuuyogoki, yokulongitha iingangamithi, yokunwa sha pitilila nosho wo okukala niimpwiyu oyindji, otaku ka hwepopaleka ngiini uukolele wetu? (11) Omauvaneko gOmbiimbeli geni taga vulu oku tu koleka? (Job 33:25; Eps. 145:16) (12) Ombiimbeli oye ku kwathela ngiini wu hwepopaleke onkalamwenyo yoye? (13) Ongiini to vulu okulongitha okavidio haka wu kwathele yalwe?