Oonkundathana dhi na ko nasha nokavidio The Bible — A Book of Fact and Prophecy
Okavidio Mankind’s Oldest Modern Book oke li oshitopolwa shotango shuuvidio utatu wa yoolokathana mboka tawu ulikwa mo-DVD The Bible — A Book of Fact and Prophecy. Konima yokutala okavidio nenge o-DVD ndjoka, yamukula omapulo taga landula:
(1) Omomikalo dhini Ombiimbeli tayi tsu kumwe nuunongononi wokunena? (2) Ongiini tatu vulu okushilipaleka kutya Oombiimbeli dhetu dhoshinanena odha faathana lelalela naandhoka dhopetameko? (3) Oshike sha tongomana tashi adhika momanyolo gOmbiimbeli gonale? (4) Omomikalo dhini John Wycliffe, Johannes Gutenberg, William Tyndale, John Hus, Martin Luther, Casiodoro de Reina naCharles Taze Russell ya humitha komeho etaandeleko lyOohapu dhaKalunga muuyuni auhe, nongeleka oya li ya pataneke ngiini nonyanya Ombiimbeli? (5) Ongiini omayele gOmbiimbeli taga longo ga li ga kwathele aantu yu ungaunge nokupikwa kokundombola (1 Tim. 6:9, 10), okutopoka kwoondjokana nokuya momilalo kondje yondjokana (1 Kor. 13:4, 5; Ef. 5:28-33), omaupyakadhi guukolele (Eps. 34:8), nosho wo nokwiipula unene nomaliko. (Mat. 16:26)? (6) Oshike tashi ulike kutya okutula miilonga omakotampango gOmbiimbeli otaku kwathele omuntu a sinde uutondwe wuukwashigwana nowuukwamuhoko (Luk. 10:27)? (7) Omomikalo dhini okudhiginina omakotampango gOmbiimbeli kwe ku etela enyanyu enene? (8) Ongiini to vulu okulongitha okavidio haka okukwathela yalwe? — Tala Uukalele wetu wUukwaniilwa waFebuluali 2006 mOshiingilisa, epandja 8.