Oshimpungu shomapulo

◼ Ethimbo li thike peni tu na okukonakona Ombiimbeli nomukonakoni ngoka ta ningi ehumo komeho?

Oshi li nawa mu tsikile nekonakono sigo a mana ko embo Omalongo gashili gOmbiimbeli ogeni naanaa? nosho wo ‘Ikalekeni mohole yaKalunga.’ Shika oshi na wo okuningwa nuuna omuuvithi a ninginithwa tango omanga inaa mana ko omambo agehe. Nonando okwa ninginithwa oto vulu okuyalula oowili ndhoka ho konakona naye nokulopota omaishunoko nosho wo ekonakonombiimbeli ndyoka ho ningi naye. Ngele owa yi pamwe nomuuvithi gumwe sho to ka konakona naye, omuuvithi ngoka naye ota vulu okuyalula ethimbo ndyoka. — Tala Uukalele Wetu wUukwaniilwa waMaalitsa 2009, epandja 2.

Osha simana opo mboka aape ya kale ye na ekankameno lya kola moshili, omanga inatu hulitha po okukonakona Ombiimbeli pamwe nayo. Oya pumbwa okukala ya ‘dhama’ muKristus, noya ‘kale meitaalo’ opo ya vule okukondjitha omayeleko ngoka taya ka tsakaneka. (Kol. 2:6, 7; 2 Tim. 3:12; 1 Pet. 5:8, 9) Kakele kaashono, opo ya longe yalwe nawa, oye na okukala ye na ‘ontseyo yashili.’ (1 Tim. 2:4) Ngele otwa mana ko omambo ngoka gaali naakonakoni yetu, otatu ke ya kwathela ya kale ye na ekankameno lya kola ‘mondjila ndjoka tayi fala komwenyo.’ — Mat. 7:14.

Aakuluntugongalo oye na okushilipaleka tango kutya omuntu oku uvite ko nawa omalongo gopetameko gOmbiimbeli nonkalamwenyo ye oyi li metsokumwe nago omanga inaaye mu popila a ninginithwe. Aakuluntugongalo oye na okukala ya kotoka, uunene tuu ngele taya pula omukonakoni ngoka inaa mana ko embo lyotango. Ngele omuntu ina gwana okuninginithwa, aakuluntugongalo oye na okushilipaleka kutya ota kwathelwa paumwene opo a vule okukala a gwana okuninginithwa monakuyiwa. — Tala embo Organized to Do Jehovah’s Will, epandja 217-218.

[Oohapu dha simana pepandja 2]

Oshi li sha simana opo mboka aape ya kale ye na ekankameno ewanawa moshili