Kwathela yalwe ya ‘kale meitaalo shi vulithe shito’

Otashi nyanyudha okumona nkene Jehova ta tsikile okuyambeka oshigwana she. Aantu ya konda 250 000 ohaya ninginithwa oshiwike kehe. (Deut. 28:2) Aauvithi yamwe uuna ya kwathele omukonakoni e ta ninginithwa, ohashi vulika ya kale ya hala okuhulitha po ekonakono, yo ya gandje eitulomo mokukwathela yalwe. Omukonakoni ngoka opo a ninginithwa, naye ohashi vulika a kale a hala okuhulitha po ekonakono lye, opo a vule okulonga ethimbo olindji muukalele. Ihe osha simana omukonakonimbiimbeli kehe a kale e na ekankameno lya kola moshili. Okwa pumbwa ‘okudhama’ muKristus nosho wo ‘okukala meitaalo shi vulithe nale.’ (Kol. 2:6, 7; 2 Tim. 3:12) Opo shi ningwe omukonakonimbiimbeli ngoka a ninginithwa oku na okutsikila nekonakono lye sigo a mana ko embo Omalongo gOmbiimbeli nosho wo ‘Ikalekeni mohole yaKalunga.’ — Tala Uukalele Wetu wUukwaniilwa waApilili 2011, epandja 2.