Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaJuni

“Atuheni otwa silwa aakwanezimo yetu nenge ookuume ketu. Mbela owu na ngaa etegameno lyoku ke ya mona ishewe? [Tegelela a yamukule.] Onda hala ndi ku ulukile oohapu tadhi hekeleke dhi li mpaka.” Lesha e to kundathana pamwe naye uuyelele mboka wu li kohi yokapalanyolo kotango mOshungolangelo yOshiingilisa ye 1 Juni, epandja 16 nosho wo Enyolo limwe mwaangoka ga gandjwa, ihe oohapu dhago inadhi tulwa po. Mu pa oshifo e to ningi elongekidho wu shune ko mu ka kundathane eyamukulo lyepulo lya landula ko.

Oshungolangelo 1 Juni

“Aantu oyendji kunena otaya hupu shokadhila, yo yamwe kaye na iipumbiwa yomonkalamwenyo nokuli. Mbela sho to tala onapu ke ye ngaa ethimbo limwe uuna kehe gumwe ta ka kala a hepuluka?” [Tegelela a yamukule. Lesha Episalomi 9:18.] Oshifo shika shOshiingilisa otashi popi shoka hashi etitha oluhepo nosho wo shoka Ombiimbeli tayi ti kutya osho owala ekandulopo lyomukundu ngoka.”

Awake! Juni

“Aantu muuyuni auhe oya lulilwa kuukulo. Oshike hashi etitha uukulo? [Tegelela a yamukule.] Oohapu dhOmbiimbeli tadhi landula otadhi tu pe etegameno. [Lesha Episalomi 72:7, 14.] Oshifo shika otashi yelitha iinima yimwe mbyoka hayi etitha uukulo notashi ulike wo shoka Ombiimbeli tayi ti kombinga yoshinima shoka nosho wo kutya otawu ka hula po uunake.”