Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaJuni

Aakriste oyendji kunena ohaya ninginithwa. Mbela opu na esiku wi ipulile kutya iitegelelwa yini wu na okugwanitha po opo wu kale wa gwana okuninginithwa? [Tegelela a yamukule.] Tala kwaashoka oshifo shika tashi popi. Pa omunegumbo Oshungolangelo yaApilili-Juni e ta mu kundathana uuyelele mboka wu li kohi yokapalanyolo okatiyali pepandja 17 e to lesha enyolo limwe nenge ge vulithe po. Mu thigila oshifo e to ningi elongekidho wu galuke.

Oshungolangelo Apilili-Juni

“Mbela owi ipula ngaa nale kutya omolwashike Kalunga e ethele omwana a hepekwe e ta si. [Tegelela a yamukule] Tala kwaashoka Jesus a ti ye mwene kutya omolwashike a li e na okusa. [Lesha Mateus 20:28.] Oshitopolwa pepandja 7 lyoshifo shika otashi fatulula nkene to vulu okumona mo uuwanawa mekuliloyambo lyaJesus.”

Awake! Juni

“Omumvo kehe aantu omamiliyona muuyuni auhe ohaya ehama molwaashoka ya lya iikulya inaayi silwa oshimpwiyu yo inayi yogoka. Pakutala kwoye mbela iikulya yomoshitopolwa shetu oya silwa ngaa oshimpwiyu? [Tegelela a yamukule.] Oshifo shika osha popya omikalo dhi li ne ndhoka tatu vulu okulongitha opo tu gamene aanegumbo lyetu komikithi ndhoka hadhi taandele okupitila miikulya. Otashi popi wo kombinga yeuvaneko lyOmbiimbeli ndyoka tali popi kutya masiku kehe gumwe ota ka kala e na iikulya ya gwana tayi tungu notayi gandja uukolele.” Lesha Episalomi 104:14, 15.