“Gandja iifo iikulu nenge okabroshure hoka taka pendutha ohokwe momuntu”

Oomwedhi ndhoka hatu gandja embo Omalongo gOmbiimbeli nokutameka omakonakonombiimbeli petalelopo lyotango, otwa ladhipikwa “okugandja iifo iikulu nenge okabroshure kehe hoka taka pendutha ohokwe momuntu,” ngele omunegumbo oku na nale embo ndyoka, ye ina hala ekonakonombiimbeli. Omolwashike mbela?

Omolwaashoka muubroshure nomiifo iikulu omu na iikundathanwa yi li pethimbo ya yoolokathana. Otashi vulika mu na sha shoka tashi ka guma omutima gwomunegumbo. Onkee ano, ngele to longele ondjato yoye wu ye miilonga yuukalele tula mo wo uubroshure nosho wo iifo iikulu. Ngele ku na iifo iikulu, oto vulu okupula yimwe pokandunda kiifo. Ihe ngele omunegumbo oku na nale embo Omalongo gOmbiimbeli, ye ina hala ekonakonombiimbeli oto vulu oku mu u ulukila iifo yimwe nenge uubroshure mboka wu na e to mu lombwele a kuthe po hoka a hokwa. Konima yaashoka, ninga omalongekidho wu shune ko kuye opo wu kokeke ohokwe ndjoka e na. Otashi vulika konima yethimbo wu ka tameke ekonakonombiimbeli nomuntu ngoka.