Omukalo gumwe ishewe nkene tu na okulongitha okabroshure Etumwalaka lyOmbiimbeli
Aantu oyendji moshitopolwa shetu, unene tuu mboka ye li momalongelokalunga ngoka inaaga itaala muJesus kaaye na ontseyo yOmbiimbeli. Aauvithi yamwe ohaya longitha wo okabroshure Etumwalaka lyOmbiimbeli okukwathela aakonakoni yawo mboka haya lesha nayo membo Omalongo gOmbiimbeli yu uve ko enenedhiladhilo lyOmbiimbeli. Pashiholelwa, omumwatate gumwe oha kwatele mo wo omadhiladhilo ngoka ge li moshitopolwa 1 shokabroshure hoka ngele ta konakona nomuntu ontopolwa 3 yembo Omalongo gOmbiimbeli. Okuza mpono ngele a mana ekonakonombiimbeli nomuntu oha kundathana aluhe naye oshitopolwa shontumba sha za muko. Mbela oho konakona nagumwe ngoka e na ontseyo onshona nenge kee na sho e shi kombinga yOmbiimbeli? Opo wu mu kwathele i ilonge “Omanyolo omayapuki” ngoka taga vulu oku mu kwathela a ka hupithwe, tala ngele oto vulu okulongitha uuyelele mboka wu li mokabroshure Etumwalaka lyOmbiimbeli sho tamu konakona embo Omalongo gOmbiimbeli. — 2 Tim. 3:15.