Iiholelwa yomafalomo

Shi na ko nasha noshikonga shokuhiya aantu kEdhimbuluko

“Onde ku etela okafo kehiyo, opo ngoye noyaandjeni mu ka kale poshiningwanima sha simana shokomumvo shoka tashi ka ningwa muuyuni auhe mo 26 Maalitsa. Osho edhimbuluko lyeso lyaJesus. Otapu ka gandjwa oshipopiwa shoka tashi fatulula nkene eso lyaJesus lye tu kwathela. Ehala nethimbo lyokugongala hoka taku ka ningilwa moshitopolwa shetu oya nyolwa mokafo haka kehiyo.”

Oshungolangelo Maalitsa–Apilili

“Otwa hala okuuva kutya oto ti nginii kombinga yagumwe ngoka a simanekwa noonkondo kAakriste. Omuntu ngoka oMoses. Oshike hashi ya momadhiladhilo goye uuna wu uvu edhina Moses tali tumbulwa? [Tegelela a yamukule.] Nonando okwa li a ninga omapuko, Ombiimbeli otayi mu popi momukalo omwaanawa. [Lesha Deuteronomium 34:10-12.] Oshifo shika otashi popi kombinga yomaukwatya ge gatatu omawanawa nonkene tatu vulu oku mu holela.”

Awake! Maalitsa

“Mbela ito shi zimine kutya ethimbo ndika kashi shi oshipu okuputudha aanona? [Tegelela a yamukule.] Aavali oyendji oya mona omayele omawanawa mOmbiimbeli. Pashiholelwa, ovelise ndjino oya kwathela aasamane oyendji ya kale haya pandula oyana noku ya kwathela ya kale ye na einekelo. [Lesha Aakolossa 3:21.] Oshitopolwa shika oshi na omakotampango gatano ga simana ngoka taga vulu okukwathela aasamane.”