Iiholelwa yomafalomo
Oshikonga shokuhiya aantu kEdhimbuluko
“Otatu gandja okafo haka kehiyo lyoshiningwanima sha simanenena. Mu-3 Apilili, aantu omamiliyona muuyuni otaya ka gongala ya dhimbulukwe eso lyaJesus Kristus nokupulakena koshipopiwa shopaMbiimbeli oshali kombinga yankene eso lye lye tu etela uuwanawa. Ehiyo ndika otali ulike ehala nethimbo lyoshiningwanima shomoshitopolwa shetu.”
Oshungolangelo Maalitsa-Apilili
“Muuyuni omu na omapangelo ogendji, mbela sho to tala otapu ka kala ngaa epangelo limwe tali ka vula okuhanganitha iigwana ayihe? [Tegelela a yamukule.] Mu ulukila konima yOshungolangelo yaMaalitsa-Apilili e tamu kundathana uuyelele mboka wu li kohi yepulo lyotango nosho wo enyolo nando limwe lyoomwangoka ge e twa po. Gandja oshifo e to ningi elongekidho wu galuke.”
Oshungolangelo Maalitsa-Apilili
“Aantu oyendji oya tekulwa nedhiladhilo ndino kutya oshilonga shomusamane sha simanenena osho okukwathela uukwanegumbo wu kale wa gamenwa pashimaliwa. Ihe aakulukadhi yamwe mboka ye na iinima oyindji yopamaliko oyu uvite inaaya gamenwa pamaiyuvo, noye na uutile nokuli. Mbela sho to tala omulumentu oku na okupa omukulukadhi gwe egameno lini? [Tegelela a yamukule.] (Lesha Aaefeso 5:25.) Ndhindhilika kutya, nonando Jesus Kristus ka li a hokana ota vulu okukwathela aalumentu ya ninge aasamane ye li nawa. Mu ulukila oshitopolwa pepandja 8-10.