Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaMaalitsa

“Aantu oyendji oye na Oombiimbeli. Mbela otu shi shi ngiini kutya shoka sha nyolwa mOmbiimbeli osha za kuKalunga?” [Tegelela a yamukule.] Mu ulukila oshitopolwa shoka shi li konima yOshungolangelo yaMaalitsa-Apilili, e tamu kundathana okatendo kotango nenyolo ndyoka lye etwa po. Mu thigila oshifo e to ningi elongekidho wu shune ko mu ka kundathane epulo lya landula ko.

Oshungolangelo Maalitsa-Apilili

“Aantu oyendji ohaya kala ya tila eso. Mbela nangoye oho li tila? [Tegelela a yamukule.] Onda hala oku ku ulukila mOmbiimbeli kutya oshike tashi ka ningilwa eso. [Lesha Jesaja 25:8.] Oshifo shika otashi yelitha kutya omolwashike inaatu hala okusa, noshike tashi ka ningilwa eso.”

Maalitsa

Otatu kundathana naantu paufupi ovelise yOmbiimbeli ndjoka aantu oyendji kaaye yi uvite ko nawa. [Lesha Genesis 1:1.] Aantu yamwe ohaya ti kutya uuyuni owa shitwa, omanga yalwe taya ti kutya hasho. Mbela ngoye oto ti ngiini? [Tegelela a yamukule.] Aantu oyendji inayi itaala naanaa meshito, oshoka aawiliki yomalongelokalunga ihaye ya longo shoka Ombiimbeli tayi ti. Oshifo shika otashi yelitha shoka Ombiimbeli tayi ti kombinga yeshito lyuuyuni.”