Iiholelwa yomafalomo

Shoshikonga shokuhiya aantu kEdhimbuluko

“Otatu gandja okafo haka kehiyo lyoshiningwanima sha simanenena. Mo 14 Apilili, aantu omamiliyona muuyuni otaya ka gongala ya dhimbulukwe eso lyaJesus Kristus nokupulakena koshipopiwa shopaMbiimbeli oshali kombinga yankene eso lye lye tu etela uuwanawa. Ehiyo ndika otali ulike ehala nethimbo lyoshiningwanima shomoshitopolwa shetu.”

Oshungolangelo Maalitsa-Apilili

“Aantu oyendji oyi itaala kutya shoka sha nyolwa mOmbiimbeli oshi li owala omadhiladhilo gaantu. Ngoye oto ti ngiini? [Tegelela a yamukule.] Mu ulukila konima yOshungolangelo yaMaalitsa-Apilili, e tamu kundathana uuyelele mboka wu li kohi yepulo etiyali nosho wo enyolo limwe lyomwaangoka ge etwa mo. Pa omunegumbo oshifo ngoye to ningi elongekidho wu galuke.”

Apilili

“Otwe ya tu gandje ekwatho omolwuupyakadhi mboka tawu indjipala unene apuhe. Aantu yamwe ohaya kala ya gwililwa po konkalo yawo monkalamwenyo naashoka oshe ya dhiladhilitha okwiidhipaga. Uuna omuntu e na uupyakadhi, mbela sho to tala okwa hala ngaa shili okusa, nenge mbela okwa hala owala epepelelo kokumona iihuna kwe? [Tegelela a yamukule.] Mpaka opu na euvaneko lyOmbiimbeli ndyoka lya kwathela oyendji ya kale ye na etaloko ewanawa. [Lesha Ehololo 21:3, 4.] Oshifo shika otashi gandja omatompelo gatatu omawanawa gokukala nomwenyo kutya nduno omuntu oku na uupyakadhi wa tya ngiini ngashingeyi.”