Oshikonga shokuhiya aantu kEdhimbuluko otashi tameke mo 22 Maalitsa

Nuumvo oshikonga shokuhiya aantu kEdhimbuluko otashi tameke mOlyomakaya yo 22 Maalitsa. Ayehe otaya ladhipikwa ya kuthe ombinga musho. Momahuliloshiwike otatu ka gandja wo iifo iipe uuna tashi opalele. MOlyomakaya yotango yaApilili, pehala lyokutameka omakonakonombiimbeli, otatu ka gandja eitulomo kokugandja okafo kehiyo. Ihe ngele otwa tsakaneke omuntu tu ulike ohokwe, otatu vulu okutameka ekonakonombiimbeli naye. Omutonateli gwiilonga ota vulu okutokola ngele okugandja okafo kehiyo miilonga yokugandja uunzapo mepandaanda otaku ka kwathela egongalo li hiye aantu oyendji. Ninga omusholondondo ngashingeyi gwaamboka wa hala okuhiya, ngaashi aapambele, aaniilonga pamwe nangoye, aanasikola ooyakweni nosho wo omaishunoko, opo wu ya pe okafo kehiyo uuna oshikonga sha tameke. Otu na einekelo kutya oyendji otaya ka kutha ombinga pamwe natse sho tatu dhimbulukwa nkene Jehova nOmwana ye tu ulukila ohole onenenene. —  Joh. 3:16; 15:13.