Okwiilongekidha okwa pumbiwa, opo tu ka longe aantu nawa

Jesus okwa li a pulwa epulo lya faathana kombinga yomwenyo gwaaluhe iikando iyali lwaampo. Pompito kehe okwa yamukula omupuli gwe shi ikolelela kompumbwe ye. (Luk. 10:25-28; 18:18-20) Otashi vulika tu kale tu shi nawa oshitopolwa shoka shi ikolelela kOmbiimbeli, ihe otu na oku shi ilongekidha tango tu na omukonakoni momadhiladhilo. Iitsa yini tashi vulika ta nyengwa okuuva ko nenge okutaamba ko? Omanyolo geni ge etwa mo tu na okulesha naye? Otatu ka konakona sigo openi? Otashi vulika twa pumbwa tu longekidhe ethaneko, eyelitho, nenge omapulo tu kwathele omukonakoni u uve ko uuyelele mboka. Jehova oye ta kokitha oombuto dhoshili momutima gwomukonakoni. Onkee ano, otu na okupula Jehova e tu yambeke sho tatu ilongekidhile ekonakono, noku yambeke omukonakoni. Otu na wo oku mu pula a yambeke oonkambadhala ndhoka tatu ningi sho tatu kwathele omukonakoni pambepo. — 1 Kor. 3:6; Jak. 1:5.