Longitha nawa iileshomwa yopaMbiimbeli

Jesus okwa ti: “One mwa pewa oshindji omagano, gandjeni wo omagano.” (Mat 10:8) Ohatu vulika kelombwelo ndyoka mokukala ihaatu tulile po aantu ondando, uuna tatu gandja Oombiimbeli nenge iileshomwa yopaMbiimbeli. (2Kor 2:17) Nonando ongawo, iileshomwa mbika oyi na oshili yi na ondilo yOmbiimbeli. Ohashi pula iilonga oyindji niimaliwa oyindji, opo yi pilintwe noyi tuminwe komagongalo agehe muuyuni. Onkee ano, otwa pumbwa owala okukutha mbyoka twa pumbwa.

Natu longithe oondunge dhokuyoolola, uuna tatu gandja iileshomwa kaantu, nokuli nuuna tatu uvitha momapandaanda. (Mat 7:6) Pehala lyokugandja oshileshomwa kukehe gumwe te ende po, natu kambadhale okupopya naye, opo tu mone ngele oku na ohokwe. Mbela oto vulu okuyamukula eeno, kulimwe lyomomapulo ngoka ge li pokampungu? Ngele oto nyengwa okumona kutya omuntu gwontumba oku na ohokwe, oshi li hwepo wu mu pe okafo. Ngele okwa pula oshifo nenge oshileshomwa shilwe, oto vulu oku shi mu pa. — Omayel 3:27, 28.