“Otandi ka taamba owala iileshomwa yoye ngele nangame nde ku pe yandje”
Aanegumbo yamwe ohashi vulika ye tu lombwele taya ti: “Otandi ka taamba owala iileshomwa yoye ngele nangame nde ku pe yandje.” Tse ihatu pingakanitha iileshomwa yetu naambyoka yomalongelokalunga giifundja. Ongiini tatu vulu okuyamukula omunegumbo ngoka naye a hala oku tu pa iileshomwa ye nopwaahe na oku mu uvitha nayi? (Rom. 1:25) Otatu vulu okutya: “Tangi unene sho wa hala okupa ndje iileshomwa yoye. Otayi popi shike ngele tashi ya pokukandulapo omaupyakadhi ngoka ga palamena aantu? [Tegelela a yamukule. Ngele okwa ti kutya eyamukulo oto ke li mona ngele wa lesha oshileshomwa shoka, mu lombwela kutya sho we mu ulukile shimwe shomiileshomwa yetu owa popi kutya omu na etumwalaka lyashike. Konima yaashono, lesha Mateus 6:9, 10.] Jesus okwe shi popya kutya Uukwaniilwa waKalunga otawu ka ningitha ehalo lyaKalunga li gwanithwe kombanda yevi. Onkee ano, ohandi lesha owala iileshomwa mbyoka tayi tsu omuthindo shoka Uukwaniilwa waKalunga tawu ka ninga. Otandi vulu mbela oku ku ulukila okuza mOmbiimbeli iinima yimwe kondandalunde mbyoka Uukwaniilwa waKalunga tawu ke eta?”