Oohapu dhaKalunga owe dhi simaneka shi thike peni?

MOmbiimbeli omu na omadhiladhilo noohapu dhaJehova Kalunga, ngoka oye omunyoli gwembo ndika eyapuki. (2Pet 1:20, 21) Oya tsa omuthindo nkene uunamapangelo we tawu ka yukipalithwa kUukwaniilwa we, sho ya popya kombinga yetegameno ndyoka aantu ye na lyonkalamwenyo ombwanawa ndjoka yi li pokuya masiku. Ombiimbeli oya popya wo uukwatya wopahole waTate gwetu gwomegulu, Jehova. — Eps 86:15.

Kehe gumwe gwomutse oku hole Oohapu dhaJehova omolwomatompelo gi ili nogi ili. Ihe mbela ohatu ulike ngaa kutya otwa simaneka omagano ngoka ge na ongushu moku yi lesha esiku kehe nokutula miilonga shoka tatu lesha mo? Eihumbato lyetu nali ulike kutya otu uvite ngaashi omupisalomi a li u uvite sho a ti: “Ompango yoye ondi yi hole ngiini!” — Eps 119:97.

TALA OSHITOPOLWA OSHIFUPI SHOKAVIDIO OYA LI YE HOLE OMBIIMBELI (WILLIAM TYNDALE), E TO YAMUKULA OMAPULO NGAKA:

• 

  Omolwashike William Tyndale a li a toloka iitopolwa yOmbiimbeli?

• Omolwashike oonkambadhala dhe dhokutoloka Ombiimbeli dha li oondhindhilikwedhi?

• Oshe ende ngiini opo Ombiimbeli yaTyndale yi ye moIngilanda?

• Ongiini kehe gumwe gwomutse ta vulu okuulika kutya okwa simaneka Oohapu dhaKalunga?