Longitha muukalele okambo nosho wo embo Kala nonkalamwenyo ombwanawa sigo aluhe

Otwa nyanyukwa lela sho ngashingeyi tu na okambo okape nosho wo embo epe, gokukonakona naantu Ombiimbeli. Otatu galikana Jehova a yambeke oonkambadhala dhetu dhokuninga aantu oyendji aalongwa. (Mat 28:18-20; 1Kor 3:6-9) Iilongitho mbika iipe otu na oku yi longitha ngiini?

Molwaashoka okambo nosho wo embo Kala nonkalamwenyo ombwanawa sigo aluhe ngoka ga kankamena kOmbiimbeli oga nuninwa okulonga aantu momukalo omupe, landula omalombwelo ngaka, sho to ilongekidhile ekonakonombiimbeli naasho to li ningi.a

• Lesheni uutendo e tamu kundathana omapulo

• Lesheni omanyolo ngoka kwa tiwa “lesha,” e to kwathele omukonakoni u uve ko shoka e na okutula miilonga

• Dhana uuvidio noku wu kundathana, to longitha omapulo ngoka ge etwa po

• Kambadhaleni okumana ko oshileshwa kehe pekonakono kehe

Uuna wu li muukalele, pa tango omuntu okambo, opo wu mone ngele oku na ngaa shili ohokwe. (Tala oshimpungu “Nkene tu na okugandja okambo Kala nonkalamwenyo ombwanawa sigo aluhe, petalelopo lyotango.”) Ngele omwa mana ko okambo, ndele omukonakoni okwa hala okutsikila okukonakona, mu pa embo e tamu tameke noshileshwa oshi-04. Ngele oho konakona nagumwe membo Ombiimbeli otayi tu longo nenge membo Okwiikaleka mohole yaKalunga, lundulukileni kembo Kala nonkalamwenyo ombwanawa sigo aluhe, e to tala kutya otamu tameke peni.

TALA OKAVIDIO OWA MANGULUKA OKUKONAKONA OMBIIMBELI, E TO YAMUKULA OMAPULO TAGA LANDULA:

• Aakonakoni otaye ki ilonga shike membo epe?

• Omolwashike wu na okuulukila aakonakoni aape okavidio haka?

• Omalalakano geni to vulu okuladhipikila omukonakoni i itulile po noku ga adhe? — Tala oshimpungu “Gandja eitulomo koshitopolwa kehe nokwiitulila po omalalakano”