Taamba ko ekwatho lyayalwe

‘Ooitaali ooyakwetu yomuuyuni auhe,’ oye li ekwatho ndyoka twa pewa kuJehova. (1Pet 5:9) Otaya vulu oku tu kwathela tu idhidhimikile nomupondo omashongo ngoka hatu tsakaneke muukalele. Pashiholelwa, omuyapostoli Paulus okwa li a mono mo uuwanawa mekwatho ndyoka a pewa kuAkula nomukadhi Priskila, kuSilas, kuTimoteus nosho wo kuyalwe. — Iil 18:1-5.

Ooitaali ooyakwetu otaya vulu ngiini oku tu kwathela miilonga yokuuvitha? Otashi vulika ye tu pe omaetopo omawanawa kombinga yankene tu na okuyamukula mboka inaaya hala oku tu pulakena, nkene tu na okuninga omaishunoko nenge nkene tu na okutameka nokuninga omakonakonombiimbeli. Dhiladhila kombinga yagumwe megongalo lyeni ngoka ta vulu oku ku pa ekwatho ndyoka wa pumbwa, e to mu pula e ku kwathele. Kapu na omalimbililo kutya amuhe otamu ka mona mo uuwanawa notamu ka gwedha ko kenyanyu lyeni. — Fil 1:25.

TALA OKAVIDIO MONA ENYANYU NDYOKA HALI ZI MOKUNINGA AANTU AALONGWA — TAAMBA KO EKWATHO LYAJEHOVA — OOITAALI OOYAKWETU, E TO YAMUKULA OMAPULO TAGA LANDULA:

• 

  Niita okwa kambadhala ngiini okuladhipika Jade a ye kokugongala?

• 

  Omolwashike tu na okupula aauvithi yalwe ye tu wayimine pekonakonombiimbeli lyetu?

• 

  Oshike shono Jade naAbigay ye hole?

• Oshike to vulu okwiilonga kooitaali ooyakweni, sho mu li muukalele?