Shoka To Vulu Okukonakona Kombinga Yasho

Shoka wu na okukonakona tango

Atuheni otu na ethimbo eshona ngele tashi ya pokuninga ekonakonombiimbeli lyopaumwene. Longitha ethimbo ndyoka wu na, wu mone mo uuwanawa ngaashi tashi vulika. Tango, longitha ethimbo lya gwana mwaashoka to lesha. Oto ka mona mo uuwanawa owundji ngele owa konakona uuyelele uushona nethimbo pehala lyokukonakona uuyelele owundji wa endelela.

Opo nduno itulila po elalakano lyiinima mbyoka wu na okuninga tango. (Ef. 5:15, 16) Tala omaetopo ngaka taga landula:

• Lesha Ombiimbeli esiku kehe. (Eps. 1:2) Otashi vulika shi kale oshiwanawa okutameka okulesha oontopolwa dhOmbiimbeli ndhoka hatu lesha pokugola kwetu oshiwike kehe.

• Ilongekidhila ekonakono lyOshungonangelo nosho okugongala kwomokati koshiwike. Ilongekidha nawa, opo wu vule okugandja omatyokosha. — Eps. 22:22.

• Kala wu na ethimbo lyokwiilongekidha nawa iikulya yilwe yopambepo, ngaashi okulesha oshifo shetu shomuukalele, uuvidio nuuyelele wulwe mboka tawu adhika ko jw.org.

• Ninga omapekapeko giinima mbyoka wu na ohokwe muyo. Oto vulu wo okuninga omapekapeko kombinga yuupyakadhi mboka wu na, yomapulo, nenge yuupalanyolo wOmbiimbeli mboka wa hala okuuva nawa. Opo wu mone uuyelele, inda mpoka pwa nyolwa “Bible Study Activities” ko jw.org.