Nkene to vulu okukonga uuyelele

Iinyangadhalwa yaanona

Aavali oye na oshinakugwanithwa oshinene shokulonga oyana kombinga yaJehova. (Ef. 6:4) Ehangano lyaJehova olya nyanyangidha po iitopolwa oyindji, uuvidio nomaimbilo, opo li kwathele aavali. Iinima mbyoka oto vulu oku yi longitha ngiini wu kwathele aamwoye?

• Konga uuyelele, kepandja lyetu, JW.ORG, oku na uuyelele owundji wa nuninwa aagundjuka, mwa kwatelwa uuvidio nosho wo omapandja mpoka taya vulu okunyola nenge okuthaneka.a Opo iinima mbyoka wu yi mone, nyola mpoka pwa nyolwa konga uuyelele oshitya “Children” nenge “Teenagers.”

• Hogolola shoka wa hala okulonga okamwoye. Shoka sha nyolwa kohi yokapalanyolo hoka “Children,” otashi vulu oku ku kwathela wu hogolole iinyangadhalwa mbyoka tayi opalele okanona koye. Opo wu yi mone, konga “Family Worship Projects.”

• Konga ethimbo wu kundathane iinima mbyoka naamwoye. Ino thiga okanona taka tala okavidio nenge taka thaneke nokunyola, opo owala wu ka kaleke ka ipyakidhila. Pehala lyaashono, kunda- thana nako noku ka kwathela ka kale ke na ekwatathano naJehova.